Qarasai aýdanyndaǵy Qaskeleń qalasynda 15 jastaǵy oqýshy sabaq ústinde kenetten qaitys boldy, dep habarlaidy Dala News.
Aýdandyq bilim bóliminiń málimetinshe, qaiǵyly jaǵdai búgin tańerteń Sátbaev atyndaǵy orta mektepte bolǵan. Birinshi sabaqtan keiingi úzilis kezinde 9 «G» synyp oqýshysynyń jaǵdaiy kúrt nasharlaǵan. Mektep ákimshiligi birden jedel járdem shaqyrǵan.
Dárigerler kelgenge deiin alǵashqy kómek kórsetilgenimen, reanimatsiialyq sharalar nátije bermei, oqýshy oqiǵa ornynda kóz jumdy.
– Bul – otbasy úshin de, mektep ujymy úshin de aýyr qaza. Balany aman alyp qalý múmkin bolmady, – dep habarlady Qarasai aýdanynyń bilim bólimi.
Oqiǵa ornyna jergilikti atqarýshy organdardyń, quqyq qorǵaý qurylymdarynyń ókilderi, bilim bólimi qyzmetkerleri men psihologtar kelgen. Qazirgi tańda ýákiletti organdar tekserý jáne tergeý jumystaryn júrgizip jatyr.
Marqumnyń denesi sot-meditsinalyq saraptamaǵa jiberildi. Qorytyndysy shyqqannan keiin qosymsha aqparat berilmek.
Qaitys bolǵan oqýshynyń jasy 15-te bolǵany naqtylandy.
