قاراساي اۋدانىنداعى قاسكەلەڭ قالاسىندا 15 جاستاعى وقۋشى ساباق ۇستىندە كەنەتتەن قايتىس بولدى، دەپ حابارلايدى Dala News.
اۋداندىق ءبىلىم ءبولىمىنىڭ مالىمەتىنشە، قايعىلى جاعداي بۇگىن تاڭەرتەڭ ساتبايەۆ اتىنداعى ورتا مەكتەپتە بولعان. ءبىرىنشى ساباقتان كەيىنگى ءۇزىلىس كەزىندە 9 «گ» سىنىپ وقۋشىسىنىڭ جاعدايى كۇرت ناشارلاعان. مەكتەپ اكىمشىلىگى بىردەن جەدەل جاردەم شاقىرعان.
دارىگەرلەر كەلگەنگە دەيىن العاشقى كومەك كورسەتىلگەنىمەن، رەانيماسيالىق شارالار ناتيجە بەرمەي، وقۋشى وقيعا ورنىندا كوز جۇمدى.
– بۇل – وتباسى ءۇشىن دە، مەكتەپ ۇجىمى ءۇشىن دە اۋىر قازا. بالانى امان الىپ قالۋ مۇمكىن بولمادى، – دەپ حابارلادى قاراساي اۋدانىنىڭ ءبىلىم ءبولىمى.
وقيعا ورنىنا جەرگىلىكتى اتقارۋشى ورگانداردىڭ، قۇقىق قورعاۋ قۇرىلىمدارىنىڭ وكىلدەرى، ءبىلىم ءبولىمى قىزمەتكەرلەرى مەن پسيحولوگتار كەلگەن. قازىرگى تاڭدا ۋاكىلەتتى ورگاندار تەكسەرۋ جانە تەرگەۋ جۇمىستارىن جۇرگىزىپ جاتىر.
مارقۇمنىڭ دەنەسى سوت-مەديسينالىق ساراپتاماعا جىبەرىلدى. قورىتىندىسى شىققاننان كەيىن قوسىمشا اقپارات بەرىلمەك.
قايتىس بولعان وقۋشىنىڭ جاسى 15-تە بولعانى ناقتىلاندى.
