Qasymov qazaq tilinde sóileýge ýáde berdi
«Bul máseleni ornyna keltiremiz. Endigi Úkimet saǵatyna kelgen kezde bul eskertýler oryndalady», - dedi Q.Qasymov. Qasymov myrza bul ýádesin qanshalyqty saqtaitynyn ýaqyt kórsetedi. Qazirgi tańda politsiiada aýyldan shyqqan qazaqtyń balalary jumys isteidi. Olardyń basym bóligi orys tilin jetik bilmeitini anyq. Qazir politsiia men áskerge tek qana qazaqtar jumysqa ornalasady. Biraz jylda sol jastar ósip, joǵary bilikke barǵanda qazaq tili quqyq qorǵaý salasynda ústemdik qurýy múmkin. Jalpy qazir barlyq salada qazaq tildi jastar óte kóp. Sál shydasaq bári sala qazaqlanatyn bolady. Muny Qasymov syndy ministrler sezip, qazaq tilinde sóileýge ýde berip jatsa tańqalýdyń qajeti joq.
