Álihan Smaiylov Astana qalasynyń ákimi qyzmetine taǵaiyndalýy múmkin. Osylaisha Smaiylov Qasymbektiń ornyna kelmek, - dep habarlaidy Dalanews.kz.
Bul týraly telegram arnalar habarlai bastady. Ondaǵy málimet boiynsha, aldymen Ulytaý oblysynyń ákimi para alyp ustalǵan sheneýnikterdiń kesirinen Berik Ábdiǵaliuly qyzmetinen ketedi.
Aita keteiik, buǵan deiin Ulytaý oblysynda eki birdei sheneýnik para alǵany úshin sottalǵan bolatyn. Ulytaý oblysynyń mádeniet basqarmasynyń basshysy Ánýar Omarov 2 million teńge para alǵany úshin 6 jylǵa sottalsa, Sátbaev qalasynyń ákimi Shapaǵat Áýbákir 10 million teńge para alǵany úshin 3,5 jylǵa sottaldy.
Derekkóz málimetinshe, Ulytaý oblysynyń ákimi bolyp – Qaraǵandy oblysynyń qazirgi basshysy Ermaǵanbet Bólekpaev taǵaiyndalýy múmkin. Al Qaraǵandy oblysyna qaitadan Jeńis Qasymbek kelýi yqtimal.Osylaisha Astana qalasynyń ákimi bolyp eks-premer Álihan Smaiylov taǵaiyndalýy múmkin.
Telegramdaǵy málimet boiynsha, Smaiylovtyń osy qyzmetke kelýi sheshilip qoiǵan. Jeńis Qasymbek Memleket basshysynyń qabyldaýynda bolǵan.
Eske salaiyq, buǵan deiin Dala INSIDE telegram arnasynda Ulytaý oblysynyń ákimi Berik Ábdiǵalidyń karerasy qyl ústinde turǵany jazylǵan bolatyn.
Qańtardyń ortasynda Aqordanyń Esil ózenine qaraǵan kýlýarynda jańadan qurylǵan oblystardyń ekonomikalyq damýyna qatysty jabyq jiyn ótip, Túrkistan, Jetisý, Abai jáne Ulytaý oblystary ákimderiniń jumystary saralandy, – dep habarlaidy DALA INSIDE arnasy óziniń turaqty derekózine júginip.
Balapandy kúzde sanaidy demekshi, jiynda atalǵan oblystarǵa jaýapty inspektorlardyń oi-pikirleri tyńdalǵan.
Jiynǵa qatysýshylar Ulytaý oblysy ákimi Berik Ábdiǵalidyń jumysyna kóńilderi tolmaityndaryn ashyp aitqan. 2022 jyly maýsym aiynda Ulytaý oblysy ákimi Berik Ábdiǵali myrza Ulttyq quryltaidyń alǵashqy otyrysyn joǵary deńgeide ótkizip, Aqordanyń aldynda senim kreditine ie bolǵan edi. Biraq Berik myrza jiyn-toimen jinaǵan ataq-abyroi ózine jyldar boiy azyq bolmaityny esepke almaǵan syńaily.
