Talǵar aýdandyq sotynda Hasan Qasymbaev pen ózge de kúdiktilerdiń isi boıynsha sot prosesi jalǵasýda, dep habarlaıdy Dalanews.kz.
"Qazaqparat" málimetinshe, bul is boıynsha aıyptalýshy alty adam. Olarǵa Qylmystyq kodekstiń úsh baby boıynsha aıyp taǵylǵan:
- adam urlaý;
- qasaqana aýyr zıan keltirý;
- qorqytyp aqsha alý.
Sot otyrysynda prokýror Erlan Qulanbaev aıyptaý aktisiniń bir epızodyn oqydy. Tergeý materıaldaryna sáıkes, 2016 jylǵy 16 tamyzda Qasymbaev óziniń tanystary – Sydyqjanov pen Muqashevpen birigip, qorqytyp aqsha alý maqsatynda sóz baılasqan.
Olar jábirlenýshi retinde Sydyqjanovtyń tanysy Tájievti tańdaǵan. Ol Almaty oblysynda jer telimderin satýmen aınalysqan. Tergeý derekterine qaraǵanda, Tájievtiń qurylys brıgadasy, jeke dárihanasy, sondaı-aq Lexus 470 jáne Toyota Highlander markaly kólikteri bolǵan.
Aıyptalýshylar kúsh qoldaný arqyly ony qorqytyp, aqsha alýǵa bolady dep sheshken.
