تالعار اۋداندىق سوتىندا حاسان قاسىمبايەۆ پەن وزگە دە كۇدىكتىلەردىڭ ءىسى بويىنشا سوت پروسەسى جالعاسۋدا، دەپ حابارلايدى Dalanews.kz.
"قازاقپارات" مالىمەتىنشە، بۇل ءىس بويىنشا ايىپتالۋشى التى ادام. ولارعا قىلمىستىق كودەكستىڭ ءۇش بابى بويىنشا ايىپ تاعىلعان:
- ادام ۇرلاۋ؛
- قاساقانا اۋىر زيان كەلتىرۋ؛
- قورقىتىپ اقشا الۋ.
سوت وتىرىسىندا پروكۋرور ەرلان قۇلانبايەۆ ايىپتاۋ اكتىسىنىڭ ءبىر ەپيزودىن وقىدى. تەرگەۋ ماتەريالدارىنا سايكەس، 2016 جىلعى 16 تامىزدا قاسىمبايەۆ ءوزىنىڭ تانىستارى – سىدىقجانوۆ پەن مۇقاشيەۆپەن بىرىگىپ، قورقىتىپ اقشا الۋ ماقساتىندا ءسوز بايلاسقان.
ولار جابىرلەنۋشى رەتىندە سىدىقجانوۆتىڭ تانىسى تاجىيەۆتى تاڭداعان. ول الماتى وبلىسىندا جەر تەلىمدەرىن ساتۋمەن اينالىسقان. تەرگەۋ دەرەكتەرىنە قاراعاندا، تاجىيەۆتىڭ قۇرىلىس بريگاداسى، جەكە ءدارىحاناسى، سونداي-اق Lexus 470 جانە Toyota Highlander ماركالى كولىكتەرى بولعان.
ايىپتالۋشىلار كۇش قولدانۋ ارقىلى ونى قورقىتىپ، اقشا الۋعا بولادى دەپ شەشكەن.
