"Qasym han" serialynan 30 mln teńgege jýyq aqsha urlandy
Tergeý málimetinshe, Ahmetov K.S pen ózge de zańdy tulǵalar jeke bas paidasyna kenelý maqsatynda qyzmettik jaǵdaiyn paidalaný men aldyn-ala toptasyp kelisý arqyly asa iri kólemde bótenniń múligin jymqyrdy.
Tergeý qylmysqa qatysy bar tulǵalardyń tarihi serialdy túsirýge qajetti pirotehnikany satyp alýǵa bólingen 29,9 mln teńgeni jymqyrǵanyn dáleldedi.
Sotqa deiinge tergeý kezinde kúdikti tulǵalar "Qazaqfilm" AQ-ǵa keltirilgen shyǵyndy tolyq qaitaryp bere saldy.
Sot úkimimen aiyptalýshylar QR Qylmystyq kodeksiniń 189-baby, 3-bóligi, 1,2-tarmaǵy boiynsha (ózgeniń senip tapsyrylǵan múlkin iemdený nemese ysyrap etý, iri kólemde) kináli dep tanyldy jáne "Qasym han" kinojobasy" filialynyń burynǵy direktory 2 jylǵa bas bostandyǵynan aiyryldy. Onyń eki sybailasy probatsiialyq baqylaýmen 3 jylǵa deiingi merzimge bas bostandyǵyn shekteýge jáne 100 saǵatqa májbúrli eńbekke tartylý jazasyna sottaldy.
