Memleket basshysy Qasym-Jomart Toqaev Qazaqstandaǵy pravoslav hristiandaryn Rojdestvo merekesimen quttyqtady, dep habarlaidy Dalanews.kz
"Bul jarqyn meiram adamdardyń júregine senim men úmit uialatyp, barsha adamzatqa súiispenshilikpen qaraýǵa úndeidi. Ádildik, izgilik, shynaiylyq, jaýapkershilik, meiirimdilik, úilesimdilik siiaqty máńgilik rýhani qundylyqtar hristian dini men basqa da álemdik dástúrli dinderdiń arqaýy sanalady. Pravoslav hristiandary elimizdegi konfessiiaaralyq kelisimdi nyǵaitýǵa, óskeleń urpaqty otanshyldyq pen eńbekqorlyqqa baýlýǵa jáne olardyń boiyna otbasy qundylyqtaryn sińirýge eleýli úles qosyp keledi. Birlik, tilektestik, ózara qoldaý qaǵidattary – memlekettik saiasatymyzdyń ajyramas bóligi, barlyq jetistikterimizdiń myzǵymas negizi. Jurtymyz bir-birine qurmet kórsetip, senim men janashyrlyq tanyta otyryp, ádildik jáne ósip-órkendeý jolynda alǵa qarai nyq qadam jasai beredi", - dedi Memleket basshysy.
Sóz sońynda Prezident pravoslav azamattarǵa jáne barsha qazaqstandyqtarǵa zor densaýlyq, tolaǵai tabys tilep, ár shańyraqqa qut-bereke tiledi.
