مەملەكەت باسشىسى قاسىم-جومارت توقايەۆ قازاقستانداعى پراۆوسلاۆ حريستياندارىن روجدەستۆو مەرەكەسىمەن قۇتتىقتادى، دەپ حابارلايدى Dalanews.kz
"بۇل جارقىن مەيرام ادامداردىڭ جۇرەگىنە سەنىم مەن ءۇمىت ۇيالاتىپ، بارشا ادامزاتقا سۇيىسپەنشىلىكپەن قاراۋعا ۇندەيدى. ادىلدىك، ىزگىلىك، شىنايىلىق، جاۋاپكەرشىلىك، مەيىرىمدىلىك، ۇيلەسىمدىلىك سياقتى ماڭگىلىك رۋحاني قۇندىلىقتار حريستيان ءدىنى مەن باسقا دا الەمدىك ءداستۇرلى دىندەردىڭ ارقاۋى سانالادى. پراۆوسلاۆ حريستياندارى ەلىمىزدەگى كونفەسسياارالىق كەلىسىمدى نىعايتۋعا، وسكەلەڭ ۇرپاقتى وتانشىلدىق پەن ەڭبەكقورلىققا باۋلۋعا جانە ولاردىڭ بويىنا وتباسى قۇندىلىقتارىن سىڭىرۋگە ەلەۋلى ۇلەس قوسىپ كەلەدى. بىرلىك، تىلەكتەستىك، ءوزارا قولداۋ قاعيداتتارى – مەملەكەتتىك ساياساتىمىزدىڭ اجىراماس بولىگى، بارلىق جەتىستىكتەرىمىزدىڭ مىزعىماس نەگىزى. جۇرتىمىز بىر-بىرىنە قۇرمەت كورسەتىپ، سەنىم مەن جاناشىرلىق تانىتا وتىرىپ، ادىلدىك جانە وسىپ-وركەندەۋ جولىندا العا قاراي نىق قادام جاساي بەرەدى"، - دەدى مەملەكەت باسشىسى.
ءسوز سوڭىندا پرەزيدەنت پراۆوسلاۆ ازاماتتارعا جانە بارشا قازاقستاندىقتارعا زور دەنساۋلىق، تولاعاي تابىس تىلەپ، ءار شاڭىراققا قۇت-بەرەكە تىلەدى.
