Qashaǵan ken ornyn igerip jatqan sheteldik kompaniialar ekologiialyq zańnamany buzǵany úshin Qazaqstanǵa 2,3 trln teńge kóleminde aiyppul tóleýi kerek. Bul týraly Ortalyq kommýnikatsiialar qyzmetinde ótken brifingte ádilet vitse-ministri Daniel Vaisov málimdedi, dep habarlaidy dalanews.kz.
Onyń aitýynsha, sot sheshimi zańdy kúshine engen. Sheteldik kompaniialar 20 shildege deiin aiyppul tólemese, Qazaqstan qoldanystaǵy zańnamaǵa, sonyń ishinde atqarýshylyq is júrgizý týraly zańǵa sáikes áreket etedi.
"Olar 20 shildege deiin aiyppuldy tólemese, atqarýshylyq is júrgizý bastalyp, májbúrlep óndirip alý sharalary qoldanylady", - dedi Daniel Vaisov.
Sonymen qatar, Qashaǵan operatorlary Qazaqstannyń memlekettik organdary qabyldaǵan sheshimdermen kelispei, olardy halyqaralyq deńgeide daýlaýdy jalǵastyryp jatyr. Vitse-ministrdiń aitýynsha, merdiger kompaniialar Investitsiialyq daýlardy retteý jónindegi halyqaralyq ortalyqqa (ICSID) júgingen.
Qazir taraptar arbitraj alqasynyń quramyn qalyptastyrý jumystaryn aiaqtap jatyr. Arbitraj quramy shildeniń aiaǵyna deiin jasaqtalady dep josparlanyp otyr.
