«Ata zańǵa engizilgen ózgertýler men tolyqtyrýlarǵa sáikes, Memlekettik hatshy laýazymy joiylyp, jańadan Memlekettik keńesshi laýazymy quryldy.
Buǵan deiin aitylǵandai, 1995 jylǵy Konstitýtsiiaǵa engizilgen Memlekettik hatshy laýazymynyń qatań túrde belgilengen ókilettik aiasy bolǵan joq. Ár ýaqytta naqty bir tulǵaǵa bailanysty aiqyndalyp otyrdy.
Ádette, Memlekettik hatshy qyzmeti ishki (keide syrtqy) saiasatqa qatysty usynymdar ázirleýdi qamtityn.
Erlan Qarin Memlekettik hatshy laýazymyna kelgennen keiin bul laýazymnyń negizgi qyzmeti retinde Prezidentke ishki saiasat salasynda strategiialyq usynystar ázirleý bolyp aiqyndaldy. Bul syrtqy saiasat, qorǵanys ne bolmasa aitalyq, sport máselelerine qaraǵanda aqylǵa qonymdy edi.
Osy logikaǵa súiener bolsaq, konstitýtsiialyq reformalar toptamasynda Memlekettik hatshynyń mártebesi men qyzmetin naqtylai túsý úshin onyń ataýyn Memlekettik keńesshi dep ózgertý usynyldy», - dep jazdy Daniiar Áshimbaev Telegram kanalynda.
Onyń atap ótýinshe, Memlekettik keńesshiniń mártebesi men ókilettigi Prezidenttiń osy jyldyń qańtarynda osy laýazymǵa aiqyndap bergen ókilettikpen birdei.
Ol Prezident, Úkimet basshysy, Parlament palatalary tóraǵalarynan keiingi memlekettik hattama ierarhiiasyndaǵy besinshi laýazymdy tulǵa bolyp qala beredi.
«Erlan Qarin birden jańa laýazymǵa qaita taǵaiyndaldy. Osylaisha, ol Qazaqstannyń sońǵy Memlekettik hatshysy jáne Aqordanyń basty strategi retinde birinshi jańa Memlekettik keńesshisi boldy», - dedi ol.
Sonymen qatar Daniiar Áshimbaev Ulttyq qoǵamdyq senim keńesiniń Ulttyq quryltai bolyp ózgergenin, onyń alǵashqy otyrysy 16 maýsymda Ulytaýda ótetindigine nazar aýdardy.
Aita keteiik, Qazaqstan Respýblikasynyń Prezidenti Qasym-Jomart Toqaev QR Memlekettik keńesshisiniń mártebesi men ókilettikterin aiqyndaityn Jarlyqqa qol qoidy.
Al Memleket basshysynyń taǵy bir Jarlyǵymen Qazaqstan Respýblikasy Konstitýtsiiasynyń 44-babynyń 19) tarmaqshasyna sáikes Erlan Tynymbaiuly Qarin Qazaqstan Respýblikasynyń Memlekettik keńesshisi laýazymyna taǵaiyndaldy.
Derekkóz: inform.kz
