«اتا زاڭعا ەنگٸزٸلگەن ٶزگەرتۋلەر مەن تولىقتىرۋلارعا سەيكەس, مەملەكەتتٸك حاتشى لاۋازىمى جويىلىپ, جاڭادان مەملەكەتتٸك كەڭەسشٸ لاۋازىمى قۇرىلدى.
بۇعان دەيٸن ايتىلعانداي, 1995 جىلعى كونستيتۋتسيياعا ەنگٸزٸلگەن مەملەكەتتٸك حاتشى لاۋازىمىنىڭ قاتاڭ تٷردە بەلگٸلەنگەن ٶكٸلەتتٸك اياسى بولعان جوق. ەر ۋاقىتتا ناقتى بٸر تۇلعاعا بايلانىستى ايقىندالىپ وتىردى.
ەدەتتە, مەملەكەتتٸك حاتشى قىزمەتٸ ٸشكٸ (كەيدە سىرتقى) ساياساتقا قاتىستى ۇسىنىمدار ەزٸرلەۋدٸ قامتيتىن.
ەرلان قارين مەملەكەتتٸك حاتشى لاۋازىمىنا كەلگەننەن كەيٸن بۇل لاۋازىمنىڭ نەگٸزگٸ قىزمەتٸ رەتٸندە پرەزيدەنتكە ٸشكٸ ساياسات سالاسىندا ستراتەگييالىق ۇسىنىستار ەزٸرلەۋ بولىپ ايقىندالدى. بۇل سىرتقى ساياسات, قورعانىس نە بولماسا ايتالىق, سپورت مەسەلەلەرٸنە قاراعاندا اقىلعا قونىمدى ەدٸ.
وسى لوگيكاعا سٷيەنەر بولساق, كونستيتۋتسييالىق رەفورمالار توپتاماسىندا مەملەكەتتٸك حاتشىنىڭ مەرتەبەسٸ مەن قىزمەتٸن ناقتىلاي تٷسۋ ٷشٸن ونىڭ اتاۋىن مەملەكەتتٸك كەڭەسشٸ دەپ ٶزگەرتۋ ۇسىنىلدى», - دەپ جازدى دانييار ەشٸمباەۆ Telegram كانالىندا.
ونىڭ اتاپ ٶتۋٸنشە, مەملەكەتتٸك كەڭەسشٸنٸڭ مەرتەبەسٸ مەن ٶكٸلەتتٸگٸ پرەزيدەنتتٸڭ وسى جىلدىڭ قاڭتارىندا وسى لاۋازىمعا ايقىنداپ بەرگەن ٶكٸلەتتٸكپەن بٸردەي.
ول پرەزيدەنت, ٷكٸمەت باسشىسى, پارلامەنت پالاتالارى تٶراعالارىنان كەيٸنگٸ مەملەكەتتٸك حاتتاما يەرارحيياسىنداعى بەسٸنشٸ لاۋازىمدى تۇلعا بولىپ قالا بەرەدٸ.
«ەرلان قارين بٸردەن جاڭا لاۋازىمعا قايتا تاعايىندالدى. وسىلايشا, ول قازاقستاننىڭ سوڭعى مەملەكەتتٸك حاتشىسى جەنە اقوردانىڭ باستى ستراتەگٸ رەتٸندە بٸرٸنشٸ جاڭا مەملەكەتتٸك كەڭەسشٸسٸ بولدى», - دەدٸ ول.
سونىمەن قاتار دانييار ەشٸمباەۆ ۇلتتىق قوعامدىق سەنٸم كەڭەسٸنٸڭ ۇلتتىق قۇرىلتاي بولىپ ٶزگەرگەنٸن, ونىڭ العاشقى وتىرىسى 16 ماۋسىمدا ۇلىتاۋدا ٶتەتٸندٸگٸنە نازار اۋداردى.
ايتا كەتەيٸك, قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ قر مەملەكەتتٸك كەڭەسشٸسٸنٸڭ مەرتەبەسٸ مەن ٶكٸلەتتٸكتەرٸن ايقىندايتىن جارلىققا قول قويدى.
ال مەملەكەت باسشىسىنىڭ تاعى بٸر جارلىعىمەن قازاقستان رەسپۋبليكاسى كونستيتۋتسيياسىنىڭ 44-بابىنىڭ 19) تارماقشاسىنا سەيكەس ەرلان تىنىمبايۇلى قارين قازاقستان رەسپۋبليكاسىنىڭ مەملەكەتتٸك كەڭەسشٸسٸ لاۋازىمىنا تاعايىندالدى.
دەرەككٶز: inform.kz
