"Qazarnaýlyeksport" RMK bas direktorynyń mindetin atqarýshy Arshat Aiaǵanov ustaldy, - dep habarlaidy Dalanews.kz.
Qarjylyq monitoring agenttigi 23 aqpanda brondalǵan áskeri tehnikany jetkizý boiynsha memlekettik qorǵanys tapsyrysyn oryndaý kezinde qyzmettik ókilettikterin óz maqsatyna paidalandy degen kúdik boiynsha "Qazarnaýlyeksport" RMK bas direktorynyń mindetin atqarýshyny ustady. Agenttik tergeý maqsatyna sai ózge aqparattardy jariia etpedi.
Arshat Aiaǵanov 1988 jyly dúniege kelgen. Ol byltyr ǵana "Qazarnaýlyeksport" RMK bas direktorynyń mindetin atqarýshy qyzmetine kelgen edi.
Byltyr qarashada da Qarjylyq monitoring agenttigi Bas áskeri prokýratýranyń úilestirýimen "Qazarnaýlyeksport" RMK laýazymdy tulǵalary men baqylaýyndaǵy zańdy tulǵalardyń basshylaryn ustaǵan edi.
"Olar memlekettik qorǵanys tapsyrystaryn oryndaý aiasynda baǵany kóterý arqyly áskeri jáne áskeri-tehnikalyq maqsattaǵy taýarlardy (ónimderdi) satyp alý kezinde 1 mlrd teńgege jýyq biýdjet qarajatyn urlady degen kúdikke ilingen.
«Qazarnaýlyeksport» RMK Qazaqstan Respýblikasy Qarýly Kúshterine, basqa da áskerler men áskeri quralymdarǵa, arnaýly memlekettik, quqyq qorǵaý organdaryna, memlekettik materialdyq rezervterge, jumyldyrý, ǵarysh qyzmetine azamattardyń qorǵanys qabiletin jáne quqyqtyq tártipti saqtaýda kómek kórsetedi.
