Jyl saiyn 1 qazan – Halyqaralyq qarttar kúni, bul kún – ómirdiń mán-maǵynasy men taǵylymyn, dana qarttarymyzdyń asyl murasyn, júrektiń jylýyn sezinetin erekshe mereke. Ata-ájelerimizdiń altyn tájiribesin, ómirlik sabaqtaryn boiymyzǵa sińirip, olardyń jarqyn beinesine taǵzym etý – biz úshin úlken qurmet.
Osy oraida, «Birtutas tárbie» baǵdarlamasy aiasynda, M.V.Lomonosov atyndaǵy № 38 Qazaqstan-Resei gimnaziiasynda arnaiy is-sharalar jospary ázirlendi. Bul jospar aiasynda oqýshylarǵa adamgershilik qundylyqtardy boilaryna darytyp, aǵa býyn ókilderine degen iltipatty, janashyr kózqaras qalyptastyrý maqsatynda birqatar is-sharalar ótkizildi.
Qurmet pen qamqorlyqtan turatyn sharalarǵa toqtalsaq, ailyq aiasynda gimnaziiayzdyń direktory Gúljan Dosaevnanyń bastamasymen jáne synyp jetekshileri «Jaqsylyq jasaýdan jalyqpa» atty synyp saǵattaryn ótkizdi. Sabaqtarda muǵalimder balalarǵa qarttardyń ómirlik tájiribesi, sheksiz meiirimderi men danalyqtary jaily syr shertti. Qoǵamǵa degen mahabbatpen, adal eńbegimen úlgi bolǵan qarttarymyzǵa kómek qolyn sozýdyń, meiirimdilik tanytýdyń mańyzyn túsindirdi. Oqýshylar bul kúni jaqyndaryna jyly sózder aitýdy, jan dúnielerine nur sebýdi úirendi.
Altyn urpaqqa taǵzym – ardaqty paryzdy eskere otyra, otbasylyq qundylyqtardy dáripteý maqsatynda, bastaýysh synyp muǵalimi Sadenova Botagóz Zatenqyzynyń uiymdastyrýymen «Altyn jasqa taǵzym» atty áserli synyptan tys is-shara ótti. Is-sharaǵa mektep oqýshylarynyń ájeleri men atalary shaqyrylyp, merekelik baǵdarlama sheńberinde ánder aitylyp, biler bilendi, óleńder oqylyp, áserli kórinister qoiyldy. Bul sátterde ata-ájelerimizdiń júrekterine qýanysh uialaǵanyn sezinip, olardyń júzderinen jylý men meiirimniń beinesin kórgendei boldyq.
Ónegeli ómirdiń jarqyn beinelerine toqtalsaq, gimnaziiamyzdyń 7 «Z», 5 «D», 9 «J» synyp oqýshylary men ata-analary eńbegi sińgen pedagogikalyq ardagerlerdi quttyqtap, olarǵa shynaiy alǵystaryn bildirdi. Kezdesýde ardager ustazdar ózderiniń ómir joly, qoǵamǵa sińirgen eńbegi men mektep qabyrǵasynda ótkizgen jyldary týraly áńgimelep, oqýshylarǵa mańyzdy aqyl-keńes berdi. Olardyń ár sózi – ómirden alynǵan sabaq, urpaqtar sabaqtastyǵynyń jarqyn mysaly.
Almaty qalasy Bostandyq aýdany Ardagerler keńesimen birlese otyryp, asyq atý ulttyq oiynynan aýdandyq sporttyq is-shara uiymdastyryldy. «Asyq atý» – bul tek oiyn ǵana emes, ulttyq qundylyqtarymyzdy dáripteýdiń, úlkenge qurmet kórsetýdiń, birlik pen dostyqty nyǵaitýdyń kórinisi boldy.
Rýhani merekeniń mereili sátteri az emes. Qarttar úiine baryp, merekelik kontsert qoiý – bizdiń oqýshylar úshin erekshe áser qaldyrdy. Ásem án men bidiń, maǵynaly sózderdiń, ájelerimiz ben atalarymyzǵa arnalǵan júrekjardy tilekterdiń ózi olar úshin demeý bolyp, olardyń janyn jadyratty.
Sondai-aq, bastaýysh synyp oqýshylarynyń qolynan shyqqan «Kúz syilary» atty buiymdar kórmesi jasalyp, qarttarǵa arnalǵan azyq-túlik sebetteri daiyndaldy. Bul qarapaiym syilyqtardan oqýshylardyń júrek jylýy, ata-ájelerine degen syi-qurmeti baiqalyp turdy.
Mektebimizdiń uiymdastyrǵan qarttarǵa arnalǵan ailyǵy – bul aǵa urpaqqa degen alǵysymyz ben rýhani qarym-qatynasty nyǵaitýǵa arnalǵan saltanatty mereke. Ár is-shara, ár sóz – meiirim men shynaiy qurmettiń kórinisi. Osydai mańyzdy is-sharalar gimnaziiamyzda jyl boiyna úzdiksiz ótkizilip otyrady. Sebebi, mundai is-sharalardyń óskelen urpaqqa berer tálimi mol.
Qarttarymyzdyń ómir joly – bizdiń bolashaqqa berik irgetasymyz, jarqyn úlgi, al olardyń danalyǵy – máńgilik mura bolyp qala bermek.
