Meditsinalyq qyzmet kórsetý sharasynyń II ailyǵynda Almaty qalasy 2-shi qosalqy stansasynyń Jedel járdem qyzmetkerleri Ardagerler úiine baryp osyndaǵy 90-nan asa qariiaǵa em-dom kórsetti.
Qan qysymdaryn tekserip, artynsha elektrokardiogrammaǵa túsirdi. Jalpy densaýlyq jaǵdaiyna bailanysty aqyl-keńester berdi.
Qarttar jaǵy óz kezeginde mundai jylýlyq men qaiyrymdylyqqa razylyq tanytyp, Gippokrat antyn qabyldanǵan aq halattylarǵa alǵysyn jaýdyrdy.
Basy aýyryp, baltyry syzdaǵandardy meditsinalyq tekserýden ótkizý úshin 10-ǵa jaqyn maman kelipti. Kóz, júrek, býyn, júike aýrýlaryn qaraityn dárigerlerdiń bos ýaqyty bolmady.
Óz kezeginde atalǵan istiń basy-qasynda júrgen aǵa dáriger Aqnur Tynysbekova mundai sharanyń aldaǵy ýaqytta da jalǵasyn tabatynyn aitty.
