- Zeinetaqy jinaqtaryndaǵy qarajattyń bir bóligi merziminen buryn sheship alynǵan jaǵdaida, onyń 10% birjolǵy salyq retinde ustalady. Senatorlar azamattarǵa qazirgi kezeńde bul qiyn bolady dep sanaidy.
Sondyqtan salyqty zeinetaqy jinaqtaryn alǵan kezde emes, zeinetke shyqqannan keiin ǵana tóleý usynylady. Onyń ústine, bul bir rettik tólem bolmaidy.
Zań jobasy ony 16 jyl ishinde bólip tóleý týraly erejeni engizedi, - dedi Senat spikeri Máýlen Áshimbaev otyrysta.
Degenmen azamattyǵyn ózgertý týraly sheshim qabyldaǵandar zeinetaqy aqshasynyń bir bóligin sheship alyp, ony paidalanǵany úshin tabys salyǵyn birden jáne tolyqtai tóleýi kerek. Alaida, salyq somasy BJZQ shotyndaǵy zeinetaqy jinaqtarynyń qaldyqtarynan ustalady.
Ulttyq ekonomika ministri Rýslan Dálenov senatorlardyń bul bastamasyn ózekti jáne paidaly dep atap ótti.
- Zeinetaqynyń aqshasyn bir rettik sheship alý jaǵdaiynda salyqty ustamaý usynylady. Iaǵni, zeinetaqy jinaqtary alynǵan kezde tólem kózinen tabys salyǵy ustalmaidy; salyq bolashaqta tólenedi. Osylaisha, bir rettik aýyrtpalyq bolmaidy, salyq ádildigi ornaidy. Bul páter satyp alý jáne emdelý úshin zeinetaqy jinaqtaryn paidalanýda salyqtyq kedergilerdi joiady. Sondyqtan senatorlardyń bastamasy ózekti, ýaqtyly jáne azamattarǵa úlken paida ákeledi, - dedi ol.
Prezident Qasym-Jomart Toqaev 2021 jyldan bastap qazaqstandyqtarǵa zeinetaqy jinaqtarynyń bir bóligin paidalanýǵa múmkindik berýdi tapsyrǵan bolatyn.
