Velosıpedimen álemniń biraz elin aralaǵan jıhankez Keńesbek Seıdimbek Túrkistan oblysy, Ordabasy aýdanyna keldi. Temirlandaǵy Qajymuqan atyndaǵy oblystyq sport mýzeıi ujymy 81 jastaǵy ataqty saıahatshymen kezdesý ótkizip, sportty nasıhattap júrgen aqsaqalǵa qurmet kórsetti. İs-shara El Táýelsizdiginiń 30 jyldyǵy jáne Qajymuqan Muńaıtpasulynyń 150 jyldyǵy aıasynda uıymdastyryldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Kezdesýde Keńesbek Seıdimbek velosıped júrgizý densaýlyqqa paıdaly ekenin, qalalar men memleketerdi aralaý barysynda dúnıetanymy keńeıgenin atap ótti.

Mazmundy kezdesýde Ordabasy aýdandyq mádenıet jáne tilderdi damytý bóliminiń ónerpazdary ánnen shashý shashty. Velomarafonshyǵa aýdan ákimi Baǵlan Barshaevtyń «Alǵys haty» tabystalyp, qurmet kórsetildi.

Jıyn sońynda qart jıhangez 65 jyl boıy janyna serik etken velosıpedin Qajymuqan mýzeıine ótkizdi.



Sondaı-aq mýzeıdiń pikir kitabyna estelik tilekterin qaldyrdy. Aıta keterligi, qorǵa ótkizilgen velosıpedpen sportshy buǵan deıin qasıetti Mekke men Mádınaǵa, Aýǵanstan, Reseı, Ózbekstan elderine barǵan. Endi bul velosıped qundy jádiger retinde jurtshylyq nazaryna usynylatyn boldy.