Qarjynyń basym bóligi áleýmettik salaǵa baǵyttalǵan
Sessiia otyrysynda sóz alǵan oblys ákimi J.Túimebaev oblystyń biýdjet kólemi ótken jylmen salystyrǵanda 25,7 mlrd. teńgege ósip, bólingen qarjynyń basym bóligi áleýmettik salaǵa baǵyttalǵanyn atap ótti.
– Bólingen qarjylar esebinen biyl 20 meditsinalyq pýnktterdiń máselesi sheshiletin bolady. «Órleý» jobasy aiasynda 58 546 az qamtylǵan azamattardy áleýmettik qoldaýǵa qosymsha 1,7 mlrd. teńge baǵyttalýda. Sonymen birge, bilim berý nysandarynyń qurylysyna 1 mlrd. teńgege jýyq qosymsha qarjy qarastyrylyp otyr. Jalpy aǵymdaǵy jyly 30 mektepti paidalanýǵa berý josparlanǵan bolsa, búgingi tańǵa 24-niń qurylysy aiaqtaldy. Baspana máselesine de nazar aýdarylyp otyr. Shymkent qalasynda 2 478 páterli 29 kredittik turǵyn úidiń qurylysyn bastaýǵa 2,3 mlrd. teńge bólinýde, – dedi aimaq basshysy.
Sonymen qatar, oblys ákimi biyl 3 avtomatty gaz taratý stantsiiasynyń qurylys jumystaryn tolyq aiaqtap, paidalanýǵa berý josparlanyp jatqanyn ol úshin tiisti qarjylar tolyǵymen qarastyrylǵanyn jetkizdi. Osynyń nátijesinde, aldaǵy ýaqytta Arys, Kentaý qalalary men Ordabasy, Otyrar aýdandaryndaǵy 137 eldi mekendegi 325 myńǵa jýyq turǵyndar tabiǵi gazben qamtamasyz etilmek.
Májiliste 2017-2019 jyldarǵa arnalǵan oblystyq biýdjetti naqtylaý boiynsha baiandama jasaǵan ekonomika jáne biýdjettik josparlaý basqarmasynyń basshysy A.Sabitov óńir biýdjetiniń qandai baǵyttarǵa bólinip jatqanyn atap ótti.
Onyń aitýynsha, jalpy bólingen qarjynyń 1 mlrd 189 mln teńgesi bilim berýdi damytý jáne bilim berý uiymdaryn kútip-ustaýǵa, al densaýlyq saqtaý uiymdarynyń materialdyq-tehnikalyq bazasy men densaýlyq saqtaý salasyn damytýǵa 705,2 mln. teńge baǵyttalǵan.
– Aýyl sharýashylyǵy taýar óndirýshideriniń tuqym jáne asyl tuqymdy mal alýǵa ótinimderiniń ulǵaiýyna bailanysty jalpy 1,7 mlrd. teńge sýbsidiia josparlanýda. Injenerlik-kommýnikatsiialyq infraqurylym salasy boiynsha 3 nysannyń qurylysyn jalǵastyrýǵa 443,5 mln. teńge qarastyrylýda. Jylýmen qamtamasyz etý salasy boiynsha 1 nysannyń qurylysyn jalǵastyrýǵa 100 mln. teńge kózdelýde. Aýyz sýmen qamtamasyz etý boiynsha 4 nysannyń qurylysyn jalǵastyrýǵa jáne 2 nysannyń qurylysyn aiaqtaýǵa 1,2 mlrd. teńge. Elektrmen qamtamasyz etý boiynsha 13 nysannyń qurylysyn aiaqtaýǵa jáne 1 nysannyń qurylysyn jalǵastyrýǵa 390,9 mln. teńge baǵyttalýda. Tabiǵi gazben qamtamasyz etý boiynsha 11 nysannyń qurylysyn jalǵastyrýǵa jáne 3 nysannyń qurylysyn aiaqtaýǵa jalpy 3,1 mlrd. teńge josparlanýda. Oblystyq jáne aýdandyq mańyzy bar 6 avtomobil joldarynynyń jóndeý jumystaryna jáne 9 nysannyń JSQ-n aiaqtaýǵa 510,3 mln. teńge baǵyttalýda, – dedi basqarma basshysy.
OQO ákiminiń baspasóz qyzmeti
https://dalanews.kz/31348
