سەسسيا وتىرىسىندا ءسوز العان وبلىس اكىمى ج.تۇيمەبايەۆ وبلىستىڭ بيۋدجەت كولەمى وتكەن جىلمەن سالىستىرعاندا 25،7 ملرد. تەڭگەگە ءوسىپ، بولىنگەن قارجىنىڭ باسىم بولىگى الەۋمەتتىك سالاعا باعىتتالعانىن اتاپ ءوتتى.
– بولىنگەن قارجىلار ەسەبىنەن بيىل 20 مەديسينالىق پۋنكتتەردىڭ ماسەلەسى شەشىلەتىن بولادى. «ورلەۋ» جوباسى اياسىندا 58 546 از قامتىلعان ازاماتتاردى الەۋمەتتىك قولداۋعا قوسىمشا 1،7 ملرد. تەڭگە باعىتتالۋدا. سونىمەن بىرگە، ءبىلىم بەرۋ نىساندارىنىڭ قۇرىلىسىنا 1 ملرد. تەڭگەگە جۋىق قوسىمشا قارجى قاراستىرىلىپ وتىر. جالپى اعىمداعى جىلى 30 مەكتەپتى پايدالانۋعا بەرۋ جوسپارلانعان بولسا، بۇگىنگى تاڭعا 24ء-نىڭ قۇرىلىسى اياقتالدى. باسپانا ماسەلەسىنە دە نازار اۋدارىلىپ وتىر. شىمكەنت قالاسىندا 2 478 پاتەرلى 29 كرەديتتىك تۇرعىن ءۇيدىڭ قۇرىلىسىن باستاۋعا 2،3 ملرد. تەڭگە بولىنۋدە، – دەدى ايماق باسشىسى.
سونىمەن قاتار، وبلىس اكىمى بيىل 3 اۆتوماتتى گاز تاراتۋ ستانسياسىنىڭ قۇرىلىس جۇمىستارىن تولىق اياقتاپ، پايدالانۋعا بەرۋ جوسپارلانىپ جاتقانىن ول ءۇشىن ءتيىستى قارجىلار تولىعىمەن قاراستىرىلعانىن جەتكىزدى. وسىنىڭ ناتيجەسىندە، الداعى ۋاقىتتا ارىس، كەنتاۋ قالالارى مەن ورداباسى، وتىرار اۋداندارىنداعى 137 ەلدى مەكەندەگى 325 مىڭعا جۋىق تۇرعىندار تابيعي گازبەن قامتاماسىز ەتىلمەك.
ماجىلىستە 2017-2019 جىلدارعا ارنالعان وبلىستىق بيۋدجەتتى ناقتىلاۋ بويىنشا بايانداما جاساعان ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ا.سابيتوۆ ءوڭىر بيۋدجەتىنىڭ قانداي باعىتتارعا ءبولىنىپ جاتقانىن اتاپ ءوتتى.
ونىڭ ايتۋىنشا، جالپى بولىنگەن قارجىنىڭ 1 ملرد 189 ملن تەڭگەسى ءبىلىم بەرۋدى دامىتۋ جانە ءبىلىم بەرۋ ۇيىمدارىن كۇتىپ-ۇستاۋعا، ال دەنساۋلىق ساقتاۋ ۇيىمدارىنىڭ ماتەريالدىق-تەحنيكالىق بازاسى مەن دەنساۋلىق ساقتاۋ سالاسىن دامىتۋعا 705،2 ملن. تەڭگە باعىتتالعان.
– اۋىل شارۋاشىلىعى تاۋار وندىرۋشىدەرىنىڭ تۇقىم جانە اسىل تۇقىمدى مال الۋعا وتىنىمدەرىنىڭ ۇلعايۋىنا بايلانىستى جالپى 1،7 ملرد. تەڭگە سۋبسيديا جوسپارلانۋدا. ينجەنەرلىك-كوممۋنيكاسيالىق ينفراقۇرىلىم سالاسى بويىنشا 3 نىساننىڭ قۇرىلىسىن جالعاستىرۋعا 443،5 ملن. تەڭگە قاراستىرىلۋدا. جىلۋمەن قامتاماسىز ەتۋ سالاسى بويىنشا 1 نىساننىڭ قۇرىلىسىن جالعاستىرۋعا 100 ملن. تەڭگە كوزدەلۋدە. اۋىز سۋمەن قامتاماسىز ەتۋ بويىنشا 4 نىساننىڭ قۇرىلىسىن جالعاستىرۋعا جانە 2 نىساننىڭ قۇرىلىسىن اياقتاۋعا 1،2 ملرد. تەڭگە. ەلەكترمەن قامتاماسىز ەتۋ بويىنشا 13 نىساننىڭ قۇرىلىسىن اياقتاۋعا جانە 1 نىساننىڭ قۇرىلىسىن جالعاستىرۋعا 390،9 ملن. تەڭگە باعىتتالۋدا. تابيعي گازبەن قامتاماسىز ەتۋ بويىنشا 11 نىساننىڭ قۇرىلىسىن جالعاستىرۋعا جانە 3 نىساننىڭ قۇرىلىسىن اياقتاۋعا جالپى 3،1 ملرد. تەڭگە جوسپارلانۋدا. وبلىستىق جانە اۋداندىق ماڭىزى بار 6 اۆتوموبيل جولدارىنىنىڭ جوندەۋ جۇمىستارىنا جانە 9 نىساننىڭ جسق-ن اياقتاۋعا 510،3 ملن. تەڭگە باعىتتالۋدا، – دەدى باسقارما باسشىسى.
وقو اكىمىنىڭ باسپا ءسوز قىزمەتى
https://dalanews.kz/31348
