Belgili qarjy sarapshysy Atyraý munai óńdeý zaýytynyń Reseige satylýy múmkin ekenine qatysty pikir bildirdi, dep habarlaidy Dalanews.kz.
Rysmambetov eger qazirden bastap jóndeý jumystaryn bastamasaq, keiin ony biýdjet esebinen «jamaýǵa» týra keletinin aitty.
"Bul jerde eshqandai serpilis bolmaidy. Jańa tehnologiialar týraly umyta tura berińiz. Men de bul jaǵdaiǵa qynjyldym. Tanys-tamyrlarmen sóilestim. Sóitsem, bul kelisimge bailanysty negizinen zańgerler men menedjerler narazy eken. Al injenerler onsha shýlamaidy. Nege?", deidi Rasýl Rysmambetov.
Onyń sózinshe, munyń eki sebebi bar:
Birinshiden, Qazaqstanda osy salada tolyq óndiristik tsikldi túsinetin injenerler óte az.
"Iá, bar, biraq olar kóbine tek bar jabdyqty ustap turýmen ainalysady. Jańa tehnologiiamen, jańa qurylǵymen jumys isteýdi biletinder az. Al ondai myqty injenerler bolsa, olar baiaǵyda shetelge ketip qalǵan. Qazir jaqsy laýazymdarda sol jaqta jumys istep júr", deidi qarjyger.
Ekinshiden, injenerler «Tatneft» jaman seriktes emes ekenin túsinip otyr.
"Eger biz AMÓZ-di «Tatnefttiń» kómegimen qalpyna keltirip, artynsha tórtinshi munai óńdeý zaýytyn (sheteldik tehnologiiamen) salýǵa kirissek – bul úlken jetistik bolar edi", deidi Rysmambetov.
Sonymen qatar, qarjyger strategiialyq nysandardyń satylýyna qatysty pikir bildirdi.
"Strategiialyq nysandardy satqanymyz jaqsy ma? Árine, ol durys emes. Biraq odan shyǵatyn jol bar ma? Bar. Ol – óz injenerlerimizdi daiarlaý. Bizde ondaǵan jyldar boiy suranys bolmaǵan mamandar kerek bop tur", deidi maman.
Qarjygerdiń sózinshe, Qazaqstandaǵy kóptegen nysan osy kúidi keship otyr.
"Mysaly, metallýrgter ESG baǵdarlamasy aiasynda zaýyttaryn jańartqysy kelgen. Biraq olar bul protsesti memleket esebinen jáne jeńildetilgen baǵamen jasaǵysy keldi. Al shyntýaity mynaý – bizdegi kóptegen infraqurylym shirip tur, kez kelgen kúni isten shyǵýy múmkin.
Keibir JEO-larda (jylý elektr ortalyqtarynda) uzaq jyldar boiy istegen "Serik aǵa" nemese "Mihalychtar" 78-80 jasynda zeinetke shyǵyp ketedi de – ornynda eshkim qalmaidy, bul júieniń qalai jumys isteitinin eshkim túsinbeidi", deidi qarjyger.
Rasýl Rysmambetovtiń sózinshe, memlekettik apparatta da dál osyndai jaǵdai baiqalady. Biraq ol jerde bul kózge onsha kórinbeidi.
"Sheshimi qandai? Sheshim – joq. Memlekettiń sapasyn baiaý, biraq turaqty túrde qalpyna keltirý.
Baiaý reformalar, óitkeni reformalar qabyldansa, oqiǵa «qańtarmen» aiaqtalýy múmkin. Mashinany tez aidaý úshin – úlken tájiribe kerek. Biraq sonyń ózinde jol apatyna túsetinder bar.
Osylai el bolamyz. Men óz boljamymdy ózgertemin: 5 jyldyq qiyn ómir emes, endi 7–10 jyl qiyn ómir dep esepteimin. Biraq alǵashqy nátijelerdi 2–3 jyldan soń kóre bastaimyz. Jeńiske jyldam jetý múmkin emes. Bári qiyn jol arqyly keledi", dep sózin túiindedi qarjyger.
