Qarjy mınıstri orta jáne shaǵyn kásipkerlikke qatysty aıyppuldar men ósimpuldardy esepten shyǵarý týraly buıryqqa qol qoıdy, dep habarlaıdy Dalanews.kz. 

Jańa sheshimge sáıkes, kásipkerler negizgi qaryz somasyn 2026 jyldyń 1 sáýirine deıin tolyq ótegen jaǵdaıda, barlyq sanksıalar avtomatty túrde joıylady.

Esepten shyǵarylatyn tólemder qataryna 2026 jyldyń 1 qańtaryna deıin eseptelgen jáne qaryz ótelgen kúnge deıingi ósimpuldar, salyqtyq quqyqbuzýshylyqtar boıynsha tirkelgen aıyppuldar, tóleý merzimi ózgertilgen (bólip tóleý, ońaltý) qaryzdar boıynsha sanksıalar, sondaı-aq 1 qańtarǵa deıingi aınalymdarǵa baılanysty QQS boıynsha ýaqytynda tirkelmegeni úshin salynǵan aıyppuldar kiredi.

Sonymen birge bul amnıstıa jeke tulǵalardyń kásipkerlik qyzmetke qatysy joq salyqtary men aıyppuldaryna qoldanylmaıdy.

Sheshimdi arnaıy komısıa shottardy túgendeý nátıjesine súıene otyryp qabyldaıdy. Al aıyppuldar men ósimpuldardy esepten shyǵarý boıynsha qorytyndy esepter 2026 jyldyń 10 sáýirine deıin daıyndalady.