BQO-da qorshaǵan ortany lastaǵan kompaniiadan iri kólemde aiyppul óndirildi, dep habarlaidy Dalanews.kz.
BQO mamandandyrylǵan tabiǵat qorǵaý prokýratýrasy «Karachaganak Petroleým Opereiting B.V.» kompaniiasynyń qyzmetine taldaý júrgizdi.
Atalǵan kompaniia qorshaǵan ortany lastaýshy zattardy shyǵarǵan. Normadan tys shyǵarylǵan zattardyń mólsheri 13,8 tonnany qurady.
Júrgizilgen taldaýdyń nátijesinde ýákiletti organǵa usyný engizildi.
Ekologiia departamenti KPO b.v. kompaniiasyna QR ÁKBtK-nyń 328-babymen hattama toltyryp, 2 mlrd teńge aiyppul saldy. Aiyppul óndirildi.
