QR Ulttyq bank BJZQ-daǵy salymshylar aqshasyn qarasha aiynda qandai quraldarǵa investitsiialanǵanyn aityp, esep berdi, dep jazady Dalanews.kz.
Qujatqa sáikes, 2024 jylǵy 1 jeltoqsandaǵy jaǵdai boiynsha Qazaqstan Respýblikasy Ulttyq bankiniń senimgerlik basqarýyndaǵy BJZQ zeinetaqy aktivteri 21 838,31 mlrd teńgeni qurady.
2024 jyly Ulttyq bank BJZQ-daǵy aqshaǵa ortasha alynǵan kiristilik jyldyq syiaqy mólsherlemesi 13,89% quraityn, nominal quny boiynsha 50,00 mlrd teńge kóleminde "Báiterek" UBH" AQ-tyń obligatsiialaryn satyp aldy.
Sondai-aq ótken aida ortasha alynǵan kiristiligi jyldyq syiaqy mólsherlemesi 13,20% bolatyn, nominaldy quny boiynsha 48,00 mlrd teńge kóleminde QR Qarjy ministrliginiń, kiristiligi jyldyq syiaqy mólshermesi 4,62% quraityn, 68,45 mlrd teńge kóleminde AQSh memlekettik baǵaly qaǵazdary da alyndy.
2024 jyly qarashada 99,98 mlrd teńge kóleminde "Qazaqstan Halyq Banki" AQ obligatsiialary, sol sekildi 20,00 mlrdteńge kóleminde "Kaspi Bank" AQ depozitteri óteldi. Qarastyrylyp otyrǵan kezeńde 14,48 mlrd teńge kóleminde "Qazatomprom" UAK" AQ depozitarlyq qolhattarynyń bóligi satyldy.
Aita ketsek, 2024 jyldyń basynan beri eseptelgen investitsiialyq kiris kólemi 2,82 trln teńgeni qurady. 2024 jylǵy 1 jeltoqsandaǵy jaǵdai boiynsha salymshylardyń (alýshylardyń) shottaryna bólingen sońǵy 12 ai úshin BJZQ zeinetaqy aktivteriniń kiristiligi infliatsiia 8,40% bolǵanda 16,97% qurady. 2024 jyldyń basynan bastap salymshylardyń (alýshylardyń) shottaryna bólingen BJZQ zeinetaqy aktivteriniń kiristiligi 14,85% qurady.
