Sharaǵa sport salasynyń ókilderimen aýdandyq máslihat depýtattyǵyna úmitker kandidattar jáne BAQ qatysty.
Búginde «Nur Otan» partiiasy aýdan halyqyn buqaralyq sportpen ainalysyp, densaýlyǵyn nyǵaitýdy partiianyń sailaýaldy baǵdarlamasynyń basty basymdyqtarynyń biri retinde engizgen. 2025 jylǵa qarai halyqty sporttyq infraqurylymmen qamtamasyz etý kórsetkishin kóterýdi kózdep otyr.
Kórseń kóziń toiatyn, sáýleti kelisken keshen 3 bólikten turady. Munda sportpen ainalysýǵa yqylasy aýǵan qaýymǵa kerektiniń bári bar. 1-blok kúres jáne boks túrlerimen ainalysýǵa, sondai-aq jattyǵý sabaqtaryna arnalǵan ámbebap zaldan quralǵan. Al, 2-blok eki qabatty, sonymen birge jertóleni qamtidy. Jertólede tehnikalyq, kiim aýystyrý bólmesi men jýynatyn jer ornalasqan. Odan bólek, bi jáne saýyqtyrý gimnastikasynyń ár túrleri boiynsha sabaqtar ótkizýge arnalǵan zal da bar.
3-blokqa keletin bolsaq, shaǵyn fýtbol, voleibol, gandbol oiyndaryna arnalǵan 325 oryndyq tribýnasy bar ámbebap zaldy kórýge bolady. Múmkindigi shekteýli azamattarda nazardan tys qalmaǵan. Blokta erekshe kútimdi qajet etetin jandarǵa arnalǵan 6 oryn qarastyrylǵan.
«Nur Otan» partiiasy úmitker-kandidattary «Metsenattardyń ekonomikanyń basqa salalarymen qatar sportqa qoldaý kórsetýi óskeleń urpaqqa qyzmet etkeni dep túsinemiz. Osyndai igi istiń atqarylýyna muryndyq bolǵan kásipker azamattardyń basyn qosyp, ortaq iske jumyldyrý baǵytynda «Nur Otan» partiiasy tynymsyz eńbek etetin bolady» dep oilaryn ortaǵa saldy.
Kezdesý barysynda aýdandyq partiia filialynyń saĭlaýaldy baǵdarlamasy túsindirildi, aldaǵy mańyzdy saiasi naýqanǵa atsalysýǵa shaqyrdy.
(Material aqysy «Nur Otan» partiiasy Qarasai aýdandyq sailaý qorynan tólendi)
