Almaty oblysyndaǵy İle aýdanynda qoqys óńdeıtin zaýyttyń qurylysynyń taǵdyry belgili boldy, - dep habarlaıdy Dalanews.kz Tengrinews.kz-ke siltep.
Zaýyt İle aýdanyndaǵy qoqys polıgonynda salynýy tıis bolatyn. Alaıda atalǵan polıgonǵa baılanysty aýdan ákimi Baǵdat Qarasaevqa qylmystyq is qozǵaldy.
İle aýdanynyń ákimi Baǵdat Qarasaevty Sybaılas jemqorlyqqa qarsy qyzmet bıyl kúzde ustady. Prokýratýranyń málimetinshe, ákimniń ustalýy İle aýdanyndaǵy qoqys polıgony qyzmetiniń birlesken tekserisimen baılanysty. Antıkordyń aqparatyna sáıkes, ol "qoqys polıgonyn senimgerlik basqarý quqyǵyn ózine qatysy bar kompanıaǵa berý arqyly qyzmettik ókilettigin teris paıdalandy" degen kúdikke ilingen.
Ákim ustalǵanǵa deıin, ıaǵnı 2024 jyldyń 25 shildesinde, İle aýdanyndaǵy qatty turmystyq qaldyqtar polıgonynyń aýmaǵynda bolashaq zaýyttyń irgetasy qalanǵan bolatyn.
Redaksıanyń suraýyna jaýap retinde Almaty oblysynyń ákimdigi qoqys polıgonyn sol "ADC Taza Alem" JSHS kompanıasy basqaryp otyrǵanyn jáne qazirgi ýaqytta qoqys óńdeıtin zaýyttyń jobalyq-smetalyq qujattamasy ázirlenip jatqanyn habarlady.
"Nysan qurylysy jobanyń oń saraptamalyq qorytyndysy alynǵannan keıin ǵana bastalýy múmkin. Elektrondyq saýda-sattyqtyń №146999 hattamasyna sáıkes, 2020 jyldyń 11 aqpanynda polıgon "ADC Taza Alem" kompanıasyna satyp alý quqyǵynsyz senimgerlik basqarýǵa berilgen", – dep málimdedi oblys ákimdigi.
Qatty turmystyq qaldyqtar polıgonynyń aýmaǵy 34,3 gektar. Polıgon kún saıyn 100 tonnadan astam qoqys qabyldaıdy.
Buǵan deıin Almaty oblysynyń ákimi Marat Sultanǵazıev Baǵdat Qarasaevtyń ustalýyna qatysty pikir bildirgen bolatyn.
Marat Sultanǵazıev Baǵdat Qarasaev aýdan ákimi bolǵandyqtan onyń tikeleı basshysy ekenin atap ótti.
"Bul jaıly aqparat alardan buryn talqylaǵan bolatynbyz. Keıin quqyq qorǵaý organdaryna tekseris júrgizsin dep jiberdik. Odan keıin Prezıden ákimshiligine jumystan bosatý boıynsha hat jiberdik. Ekinshiden, Qarasaevtyń qaı ýaqytta qyzmettik ókilin asyra paıdalanǵany mańyzdy. Eger qoqys polıgony týraly aıtar bolsaq, ol 2019 jyly kásipkerlerge qoldanysqa berilgen.
Baǵdat Qarasaev jumystan bosatyldy, sebebi onyń qyzmet etý merzimi bitti. Aıyp taǵylǵanǵa deıin eki jyldyq jumys merzimi aıaqtalǵan. Rotasıaǵa sáıkes, ol saıası qyzmetker bolǵandyqtan jumys isteý mezgili bar. Merzimi aıaqtalǵan soń ketti", deıdi Sultanǵazıev.
Marat Sultanǵazıev Baǵdat Qarasaevtyń qyzmettik merzimi oǵan aıyp taǵylyp, ustalǵanǵa deıin aıaqtalǵanyn atap ótti. Oblys ákimi bul oqıǵadan keıin óziniń otstavkaǵa ketýi ne ketpeýi týraly pikir bildirdi.
"Jalpy aıyp taǵylǵannan keıin ol qyzmetker bolmady. Árıne, zańǵa baǵynamyz. Eger bizdi de jumystan bosatamyz dese, saıası qyzmetker bolǵandyqtan eshqandaı mezgilge de qaramaıdy", deıdi Marat Sultanǵazıev.
Ol İle aýdanyna jańa ákim retinde birneshe kandıdat usynylǵanyn aıtady.
"Sondyqtan onyń óziniń rásimi bar. Sodan keıin taǵaıyndalady", deıdi oblys ákimi.
