Almaty oblysynyń Jambyl aýdanyna qarasty Qaraqystaq aýylynda turǵyndar arasyndaǵy janjal qarýly qaqtyǵysqa ulasty. Oqiǵa saldarynan eki adam qaza taýyp, taǵy bir azamat pyshaq jaraqatyn alǵan. Qylmysqa qatysy bar degen kúdikpen jeti adam qamaýǵa alyndy, dep habarlaidy dalanews.kz.
KTK telearnasynyń habarlaýynsha, janjal aýyldaǵy dúkenderdiń biriniń mańynda bastalǵan. Aldyn ala málimet boiynsha, tóbeleske qatysýshylar mas kúide bolǵan. Keiin eki tarap ta óz tanystaryn kómekke shaqyrǵan.
Qaza tapqandardyń biri – 39 jastaǵy Bekbolat esimdi aýyl turǵyny. Marqumnyń týystary onyń bastapqy tóbeleske qatyspaǵanyn aitady. Olardyń sózinshe, Bekbolat kómek surap kelgen tanysyna arasha túspek bolǵan.
Kýágerlerdiń málimetinshe, biraz ýaqyttan keiin júk kóligimen kelgen bir top adam Bekbolattyń úiiniń aldyna jinalǵan. Shabýyl jasaǵandar aýlada turǵan kólikti zaqymdap, qaqpaǵa birneshe ret oq atqannan keiin úidiń aýmaǵyna kirgen. Sol ýaqytta baspanada marqumnyń otbasy músheleri bolǵan.
Týystary shabýyldaýshylardyń qolynda ańshylyq myltyq, tas jáne taiaq bolǵanyn málimdedi. Atys kezinde aýyr jaraqat alǵan Bekbolat kóz jumǵan. Ol aýyldaǵy sport kesheninde qyzmet etken. Marqumnyń artynda jubaiy men eki balasy qaldy.
Oqiǵa kezinde taǵy bir azamat qaza tapqan. Alaida onyń jaqyndary jýrnalisterge pikir bildirýden bas tartqan. Marqumnyń kim atqan oqtan kóz jumǵany ázirge anyqtalǵan joq.
Almaty oblystyq politsiia departamentiniń málimetinshe, turǵyndar arasyndaǵy janjal dúken mańynda bastalyp, keiin úilerdiń biriniń aldynda jalǵasqan.
"Janjal barysynda eki adam ańshylyq myltyqtan jaraqat alyp, oqiǵa ornynda qaitys boldy. Atalǵan faktiler boiynsha adam óltirý jáne buzaqylyq baptarymen qylmystyq ister qozǵaldy", – dep habarlady politsiia ókilderi.
Qazirgi ýaqytta jeti kúdikti qamaýǵa alynyp, istiń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
Bekbolattyń týystary qaqtyǵys ýshyǵyp ketpei turyp politsiiaǵa habar bergenderin, alaida tártip saqshylary oqiǵa ornyna der kezinde kelmegenin alǵa tartty. Osyǵan bailanysty marqumnyń jaqyndary prokýratýraǵa aryzdanǵan.
Qaza tapqan azamattardyń týystary istiń obektivti ári jan-jaqty tergelip, kinálilerdiń zań aldynda jaýap berýin talap etip otyr.
