Dóńgelek ústel barysynda ózekti taqyryp boiynsha statistikalyq málimetter keltirildi. 2018-2022 jyldar aralyǵynda 18 myńǵa jýyq adam óz-ózine qol jumsasa, 21 myńnan astam qazaqstandyq ózine qol salýǵa áreket etken. Belgili bolǵandai, Qazaqstan óz-ózine qol jumsaý boiynsha alǵashqy 20 eldiń qatarynda bolsa, balalar men jastar arasyndaǵy sýitsid boiynsha elimiz álemde alǵashqy úshtikke kiredi.
«Bul naǵyz dabyl qaǵatyn másele. Mundai qaiǵyly kórsetkishter bizden júieli jumys júrgizýdi talap etedi. Sondyqtan búgingi jiynda «Sýitsidpen kúres jóninde ulttyq strategiialyq jospar» ázirleýdi usyndym. Ol úshin arnaiy vedomstvoaralyq komissiia qurylyp, zańnamalyq talaptarǵa sáikes Parlamenttik tyńdalymda atalǵan suraq tyńdalýy tiis», - dep jetkizdi Q. Ábden.
Úmitkerdiń aitýynsha, balalar men jastardyń óz-ózine qol jumsaýyna áleýmettik suraqtar men ulttyq, otbasylyq qundylyqtardyń álsireýi sebep.
Eske salsaq, elimizde 20 qarasha kúni kezekten tys prezident sailaýy ótedi.
Úmitker Q.Ábden el aimaqtaryn aralap, 11 qala men birneshe aýyldyq eldimekende 20-dan astam kezdesý ótkizdi Aldaǵy ýaqytta ol Qyzylorda, Soltústik Qazaqstan, Túrkistan, Jambyl oblystarynyń sailaýshylarymen kezdesý ótkizedi.
