بۇل تۋرالى جەزقازعان قالاسىندا وتكەن ارنايى دوڭگەلەك ۇستەل بارىسىندا بەلگىلى بولدى. ق ر پرەزيدەنتتىگىنە ۇمىتكەر قاراقات ابدەننىڭ بۇل ۇسىنىسىن جيىنعا قاتىسقان سايلاۋشىلار، پسيحولوگ ماماندار مەن يۋۆەنالدى پوليسيا ورگاندارىنىڭ ارداگەرلەرى، انالار كەڭەسى مەن ارداگەرلەر كەڭەسىنىڭ مۇشەلەرى قولدادى.

دوڭگەلەك ۇستەل بارىسىندا وزەكتى تاقىرىپ بويىنشا ستاتيستيكالىق مالىمەتتەر كەلتىرىلدى. 2018-2022 جىلدار ارالىعىندا 18 مىڭعا جۋىق ادام وز-وزىنە قول جۇمساسا، 21 مىڭنان استام قازاقستاندىق وزىنە قول سالۋعا ارەكەت ەتكەن. بەلگىلى بولعانداي، قازاقستان وز-وزىنە قول جۇمساۋ بويىنشا العاشقى 20 ەلدىڭ قاتارىندا بولسا، بالالار مەن جاستار اراسىنداعى سۋيسيد بويىنشا ەلىمىز الەمدە العاشقى ۇشتىككە كىرەدى.

«بۇل ناعىز دابىل قاعاتىن ماسەلە. مۇنداي قايعىلى كورسەتكىشتەر بىزدەن جۇيەلى جۇمىس جۇرگىزۋدى تالاپ ەتەدى. سوندىقتان بۇگىنگى جيىندا «سۋيسيدپەن كۇرەس جونىندە ۇلتتىق ستراتەگيالىق جوسپار» ازىرلەۋدى ۇسىندىم. ول ءۇشىن ارنايى ۆەدومستۆوارالىق كوميسسيا قۇرىلىپ، زاڭنامالىق تالاپتارعا سايكەس پارلامەنتتىك تىڭدالىمدا اتالعان سۇراق تىڭدالۋى ءتيىس»، - دەپ جەتكىزدى ق. ابدەن.

ۇمىتكەردىڭ ايتۋىنشا، بالالار مەن جاستاردىڭ وز-وزىنە قول جۇمساۋىنا الەۋمەتتىك سۇراقتار مەن ۇلتتىق، وتباسىلىق قۇندىلىقتاردىڭ السىرەۋى سەبەپ. 

ەسكە سالساق، ەلىمىزدە 20 قاراشا كۇنى كەزەكتەن تىس پرەزيدەنت سايلاۋى وتەدى.



ۇمىتكەر ق.ابدەن ەل ايماقتارىن ارالاپ، 11 قالا مەن بىرنەشە اۋىلدىق ەلدىمەكەندە 20-دان استام كەزدەسۋ وتكىزدى الداعى ۋاقىتتا ول قىزىلوردا، سولتۇستىك قازاقستان، تۇركىستان، جامبىل وبلىستارىنىڭ سايلاۋشىلارىمەن كەزدەسۋ وتكىزەدى.