Sailaýaldy úgit-nasihat jumystaryn júrgizý úshin bul aimaqta 100-den astam adam jumyldyrylǵany belgili.
«Búgin Qyzylordadaǵy shtabtyń jumysymen tanystym. Qyzylorda oblysy – elimizdegi eń iri aimaqtardyń biri. Jergilikti shtabta 10 qyzmetker, 100 volonter jumys isteidi. Shtab ókilderi aýdan jáne aýyl turǵyndarymen de kezdesý ótkizedi. Jumys úilesimdi ári talaptarǵa sáikes iske asýda», – dedi Qaraqat Ábden.
Shtab ókilderi málimdegendei, sailaýshylar tarapynan joldanǵan saýaldar men usynystarǵa basa mán beriledi.
«Jergilikti turǵyndar kóbinese áleýmettik taqyryptarǵa qatysty saýal joldaidy, turǵyndarmen keri bailanys jaqsy damyǵan. Jalpy alǵanda, sailaýshylar Q.Ábdenniń áleýmettik baǵdary basym baǵdarlamasyn qoldaidy», - dep jetkizdi óńirlik shtab jetekshisi Marjan Bisenova.
Sonymen qatar shtabtyń úgit-nasihat jumysy ártúrli sanattaǵy azamattardy qamtidy. Múmkindigi shekteýli jandar da nazardan tys qalyp jatqan joq. Ol úshin shtab músheleri sailaýshylardyń úilerin aralap, úmitker baǵdarlamasynyń negizgi baǵyttary jaily málimet berip júr.
Eske salsaq, elimizde 20 qarasha kúni kezekten tys prezident sailaýy ótedi. Úmitker Q.Ábden el aimaqtaryn aralap, 11 qala men birneshe aýyldyq eldimekende 20-dan astam kezdesý ótkizdi Aldaǵy ýaqytta ol Soltústik Qazaqstan, Túrkistan, Jambyl oblystarynyń sailaýshylarymen kezdesý ótkizedi.
