سايلاۋالدى ۇگىت-ناسيحات جۇمىستارىن جۇرگىزۋ ءۇشىن بۇل ايماقتا 100-دەن استام ادام جۇمىلدىرىلعانى بەلگىلى.
«بۇگىن قىزىلورداداعى شتابتىڭ جۇمىسىمەن تانىستىم. قىزىلوردا وبلىسى – ەلىمىزدەگى ەڭ ءىرى ايماقتاردىڭ ءبىرى. جەرگىلىكتى شتابتا 10 قىزمەتكەر، 100 ۆولونتەر جۇمىس ىستەيدى. شتاب وكىلدەرى اۋدان جانە اۋىل تۇرعىندارىمەن دە كەزدەسۋ وتكىزەدى. جۇمىس ۇيلەسىمدى ءارى تالاپتارعا سايكەس ىسكە اسۋدا»، – دەدى قاراقات ابدەن.
شتاب وكىلدەرى مالىمدەگەندەي، سايلاۋشىلار تاراپىنان جولدانعان ساۋالدار مەن ۇسىنىستارعا باسا ءمان بەرىلەدى.
«جەرگىلىكتى تۇرعىندار كوبىنەسە الەۋمەتتىك تاقىرىپتارعا قاتىستى ساۋال جولدايدى، تۇرعىندارمەن كەرى بايلانىس جاقسى دامىعان. جالپى العاندا، سايلاۋشىلار ق.ابدەننىڭ الەۋمەتتىك باعدارى باسىم باعدارلاماسىن قولدايدى»، - دەپ جەتكىزدى وڭىرلىك شتاب جەتەكشىسى مارجان بيسەنوۆا.
سونىمەن قاتار شتابتىڭ ۇگىت-ناسيحات جۇمىسى ءارتۇرلى ساناتتاعى ازاماتتاردى قامتيدى. مۇمكىندىگى شەكتەۋلى جاندار دا نازاردان تىس قالىپ جاتقان جوق. ول ءۇشىن شتاب مۇشەلەرى سايلاۋشىلاردىڭ ۇيلەرىن ارالاپ، ۇمىتكەر باعدارلاماسىنىڭ نەگىزگى باعىتتارى جايلى مالىمەت بەرىپ ءجۇر.
ەسكە سالساق، ەلىمىزدە 20 قاراشا كۇنى كەزەكتەن تىس پرەزيدەنت سايلاۋى وتەدى. ۇمىتكەر ق.ابدەن ەل ايماقتارىن ارالاپ، 11 قالا مەن بىرنەشە اۋىلدىق ەلدىمەكەندە 20-دان استام كەزدەسۋ وتكىزدى الداعى ۋاقىتتا ول سولتۇستىك قازاقستان، تۇركىستان، جامبىل وبلىستارىنىڭ سايلاۋشىلارىمەن كەزدەسۋ وتكىزەدى.
