Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

«Qarajanbas» ken ornynda táýligine 17 myń tekshe metr sý tushytý zaýyty synaq rejiminde iske qosyldy

Dalanews
«Qarajanbas» ken ornynda táýligine 17 myń tekshe metr sý tushytý zaýyty synaq rejiminde iske qosyldy
Mańǵystaý oblysy ákimi Nurlan Noǵaev «Qarajanbas» ken ornyna jumys saparymen baryp, ilespe qabat sýyn tushytý zaýytynyń jumysymen tanysty, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.

«Qarajanbas» AQ ókilderi óńir basshysyna zaýyttyń synaq rejimde iske qosylǵannan keiingi sátti jumys istep jatqan tehnologiialyq protsesteri týraly aqparat berdi.

Memleket basshysy Qasym-Jomart Toqaevtyń Mańǵystaýda aýyz sý tapshylyǵyn joiý boiynsha bergen tarsyrmasynyń aiasynda óńirde 2025 jylǵa deiin kezeń-kezeńimen qýaty 286 myń tekshe metr bolatyn 9 jobany júzege asyrý josparlanǵan bolatyn. Búginde sonyń alǵashqysy «Qarajanbas» ken ornynda táýligine 17 myń tekshe metr sý tushytý zaýyty testtik  rejiminde sátti iske asyrylyp jatyr.

– Osy ýaqytqa deiin kásiporyn paidalanyp kelgen «Astrahan-Mańǵystaý» sý qubyrynan bosaǵan 10 myń tekshe metr aýyz sý Jańaózen qalasyna táýligine 7,5 myń tekshe metr, Beineý aýdanyna 1,5 myń tekshe metr, 1 myń tekshe metr Jetibai aýylyna, qalǵan 500 tekshe metr sý Mańǵystaý aýdanynyń eldi mekenderine beriledi, – dedi Mańǵystaý oblysynyń energetika jáne turǵyn úi-kommýnaldyq sharýashylyq basqarma basshysy Berdibek Qartbaev.

«Qarajanbasmunai» AQ ókilderi munaimen birge shyǵatyn ilespe qabat sýyn qaita óńdeý qorshaǵan orta úshin de paidaly ekenin atap ótti.

Nysannyń aýdany 36000 m2, óndiristik qýaty kúnine 17000 m3. Qazirgi ýaqytta bul – Qazaqstandaǵy munai ken ornyndaǵy eń iri joba. Tazartylǵan sý Qarajanbas ken ornynyń qazandyqtarynda bý aidaý úshin paidalanylady, bul ken ornynyń Edil sýyn tutynýǵa táýeldiligin azaityp,  Edil ózeni sýynyń kólemin Mańǵystaý oblysy halqynyń qajettilikterine paidalanýǵa múmkindik beredi.


Sonymen qatar, munai ken ornyndaǵy qabatty sýdy tazartý qorshaǵan ortanyń ekologiiasyna oń áser etedi. Sondyqtan atalǵan jobany paidalanýdyń ekonomikalyq, sondai aq áleýmettik paidasy zor.

Búginde Strategiialyq mańyzdy óndiris shtattyq rejimge sátti ótip, tehnologiialyq standarttarǵa sai jumys istep tur. Kásiporyn tolyq iske qosylǵanda 50-ge jýyq turaqty jumys orny ashylady.

Óńir basshysy zaýyttyń mańyzdylyǵyn atap ótip, kásiporynnyń óndiristik áleýetin joǵary baǵalady.

– Sý tushytý zaýtynyń tek kompaniia úshin ǵana emes, tutas óńir úshin mańyzy joǵary. Munda aldyńǵy qatarly tehnologiialar qoldanylǵan jáne biliktiligi joǵary mamandar jumys isteidi. Tehnologiianyń kúrdeliligin eskere otyryp, zaýyt belgilengen merzimde iske qosylǵany qýantady, – dep atap ótti oblys ákimi Nurlan Noǵaev.

Zaýytta óndirilgen taza sý ken orynda tehnikalyq baǵytta qoldanylady.
Mańǵystaý Nurlan Noǵaev Astrahan Qasym-Jomart Toqaev Qarajanbas sý tushytý zaýyty Madina Sádýaqasova

Oqi otyryńyz