Qaraǵandyda sot 16 jastaǵy jasóspirimniń ólimine baılanysty úsh medısınalyq mekemeni marqumnyń anasyna 5 mıllıon teńge ótemaqy tóleýge mindettedi, dep habarlaıdy Dalanews.kz.
Jasóspirim dene qyzýy joǵarylap, álsizdik baıqalǵan soń balalar aýrýhanasyna túsken. Alaıda aýyr sımptomdarǵa qaramastan, dárigerler ony tek kúndizgi stasıonarǵa jatqyzyp, qan taldaýsyz em taǵaıyndaǵan. Keıin naýqastyń jaǵdaıy nasharlaǵan kezde shuǵyl konsılıým uıymdastyrylmaǵan ári arnaıy mamandandyrylǵan mekemege jiberilmegen.
Bir aı ótken soń jasóspirim kóz jumǵan. Tekserý nátıjesinde medısınalyq qyzmet kórsetý kezinde óreskel buzýshylyqtar anyqtalyp, sot úsh aýrýhanany jaýapty dep tanyp, moraldyq zıan úshin ótemaqy tóleýge mindettedi.
