قاراعاندىدا سوت 16 جاستاعى ءجاسوسپىرىمنىڭ ولىمىنە بايلانىستى ءۇش مەديسينالىق مەكەمەنى مارقۇمنىڭ اناسىنا 5 ميلليون تەڭگە وتەماقى تولەۋگە مىندەتتەدى، دەپ حابارلايدى Dalanews.kz.
ءجاسوسپىرىم دەنە قىزۋى جوعارىلاپ، السىزدىك بايقالعان سوڭ بالالار اۋرۋحاناسىنا تۇسكەن. الايدا اۋىر سيمپتومدارعا قاراماستان، دارىگەرلەر ونى تەك كۇندىزگى ستاسيونارعا جاتقىزىپ، قان تالداۋسىز ەم تاعايىنداعان. كەيىن ناۋقاستىڭ جاعدايى ناشارلاعان كەزدە شۇعىل كونسيليۋم ۇيىمداستىرىلماعان ءارى ارنايى مامانداندىرىلعان مەكەمەگە جىبەرىلمەگەن.
ءبىر اي وتكەن سوڭ ءجاسوسپىرىم كوز جۇمعان. تەكسەرۋ ناتيجەسىندە مەديسينالىق قىزمەت كورسەتۋ كەزىندە ورەسكەل بۇزۋشىلىقتار انىقتالىپ، سوت ءۇش اۋرۋحانانى جاۋاپتى دەپ تانىپ، مورالدىق زيان ءۇشىن وتەماقى تولەۋگە مىندەتتەدى.
