Qaraǵandy oblysynda esirtki qylmysyna qarsy is-qimyl basqarmasynyń qyzmetkerleri iri esirtki tasymaldaý arnasyn áshkerelep, 75 jastaǵy qala turǵynyn ustady, dep habarlaidy Dalanews.kz.
Temirjol vokzalynda júrgizilgen tintý kezinde onyń qol júginen ósimdik tektes esirtki – shamamen 20 keli marihýana men gashish tárkilendi. Odan bólek vokzal mańynda turǵan kúdiktiniń kóligin tekserý barysynda bagajdan oraýysh taspamen qaptalǵan eki iri briket tabyldy. Saraptama qorytyndysyna sáikes olardyń ishinde de marihýana bolǵan. Jalpy tárkilengen esirtkiniń salmaǵy shamamen 20 keli bolady.
"Bul derek boiynsha Qylmystyq kodekstiń tiisti babymen is qozǵaldy. Qazir tergeý amaldary júrgizilip, oqiǵanyń barlyq mán-jaiy anyqtalyp jatyr", - dedi IIM ókili.
