Qaraǵandydaǵy politsiia tirek pýnktinen es-tússiz kúide tabylǵan burynǵy maior qyzmetkeri “qorǵaý quqyǵy bar kýáger” mártebesin aldy. Bul týraly Ishki ister ministriniń orynbasary Sanjar Ádilov málimdedi, dep habarlaidy Dalanews.kz.
Aitýynsha, qazir keshendi sot-meditsinalyq saraptamalar júrgizilip jatyr. Al qyzdyń ólimine naqty sebepter áli jariialanbaǵan.
“Qazirgi ýaqytta onyń mártebesi – qorǵaýdy qajet etetin kýáger. Tergeý isi boiynsha qajetti dálelder jinaqtalyp jatyr. Bolashaqta mártebesin ózgertý máselesi týyndasa, bul prokýratýra organdary arqyly júzege asyrylady”, – dedi Ádilov.
Eske salaiyq, Mihailov aýdanynyń burynǵy inspektory jumys ornynda es-tússiz kúide tabylǵan edi. Al qasynda 24 jastaǵy qyzdyń máiiti bolǵan. Dárigerler politseidi qutqaryp qaldy. Ol aýrýhanada bir aiǵa jýyq emdelip, keiin teris sebepter boiynsha qyzmetinen bosatyldy.
Al buǵan deiin bólimniń birneshe basshysy laýazymdarynan aiyrylǵan edi.
