Taıaý kúnderi turǵyndarǵa Qaraǵandy farmasevtıkalyq kesheninde óndirilgen COVID-19 vırýsyna qarsy «Spýtnık V» vaksınasy egile bastaıdy, – dep habarlaıdy Dalanews.kz dári-dármek taratatyn biryńǵaı dıstrıbútor «SK-Farmasıa» baspasóz qyzmetine silteme jasap.

Baspasóz qyzmetiniń málimetinshe, 23 aqpanda jumys saparymen óńirge vıse-premeri Eraly Toǵjanov keledi. Onyń qatysýymen vaksınany júkke tıeıdi.

– Erteń aımaqtarǵa jiberýge daıyndyq bastalady. Barlyǵy 90 myń dana. Bul – Qazaqstanda óndirilgen birinshi vaksına. «SK-Farmasıanyń» tórt haby – Nur-Sultan, Almaty, Shymkent jáne Aqtóbe qalalaryna jetkiziledi. Ol jaqtan basqa aımaqtarǵa jiberiledi, – dedi SK-Farmasıa» baspasóz qyzmetiniń jetekshisi Serik Muqashev.