باسپا ءسوز قىزمەتىنىڭ مالىمەتىنشە، 23 اقپاندا جۇمىس ساپارىمەن وڭىرگە ۆيسە-پرەمەرى ەرالى توعجانوۆ كەلەدى. ونىڭ قاتىسۋىمەن ۆاكسينانى جۇككە تيەيدى.
– ەرتەڭ ايماقتارعا جىبەرۋگە دايىندىق باستالادى. بارلىعى 90 مىڭ دانا. بۇل – قازاقستاندا وندىرىلگەن ءبىرىنشى ۆاكسينا. «سك-فارماسيانىڭ» ءتورت حابى – نۇر-سۇلتان، الماتى، شىمكەنت جانە اقتوبە قالالارىنا جەتكىزىلەدى. ول جاقتان باسقا ايماقتارعا جىبەرىلەدى، – دەدى سك-فارماسيا» باسپا ءسوز قىزمەتىنىڭ جەتەكشىسى سەرىك مۇقاشيەۆ.
