Qaraǵandyda oblystyq memlekettik kirister departamenti basqarmalarynyń basshylary sottaldy, dep habarlaidy Dalanews.kz.
Sybailas jemqorlyqqa qarsy is-qimyl agenttigi Memleket basshysynyń tapsyrmasyn oryndaý maqsatynda qoǵamdaǵy zańdylyq pen tártip qaǵidatyn qamtamasyz etýge erekshe nazar aýdarady.
Qaraǵandy qalasynyń Qazybek bi aýdandyq soty jemqorlyq qylmystyq quqyq buzýshylyqtary úshin oblystyq memlekettik kirister departamenti basqarmalarynyń basshylary M. Aqbiev, B. Muqashev, sondai-aq syrtqy ekonomikalyq qyzmet sýbektileri A. Balatskaia, H. Bekishev, N. Bekshin jáne I. Andrienko sottaldy.
Laýazymdy tulǵalar kedendik baqylaý salasyndaǵy jol berilgen buzýshylyqtar boiynsha ákimshilik jaýaptylyqqa tartpaǵany úshin kásipkerlerden birneshe ret para alǵany úshin kináli dep tanyldy.
Aqbiev pen Muqashevke tiisinshe 21,7 mln teńge jáne 2,5 mln teńge kóleminde aiyppul túrinde jaza taǵaiyndaldy.
Osy úkimmen para berýshiler A. Balatskaia, H. Bekishev, N. Bekshin jáne I. Andrienko 540 myńnan 3 mln teńgege deiingi aiyppuldarǵa sottaldy.
Sonymen qatar, sottalǵandarǵa memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiy tyiym salynady.
Sot aktisi zańdy kúshine endi.
