قاراعاندىدا وبلىستىق مەملەكەتتىك كىرىستەر دەپارتامەنتى باسقارمالارىنىڭ باسشىلارى سوتتالدى، دەپ حابارلايدى Dalanews.kz.

سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا قوعامداعى زاڭدىلىق پەن ءتارتىپ قاعيداتىن قامتاماسىز ەتۋگە ەرەكشە نازار اۋدارادى.

قاراعاندى قالاسىنىڭ قازىبەك بي اۋداندىق سوتى جەمقورلىق قىلمىستىق قۇقىق بۇزۋشىلىقتارى ءۇشىن وبلىستىق مەملەكەتتىك كىرىستەر دەپارتامەنتى باسقارمالارىنىڭ باسشىلارى م. اقبييەۆ، ب. مۇقاشيەۆ، سونداي-اق سىرتقى ەكونوميكالىق قىزمەت سۋبەكتىلەرى ا. بالاسكايا، ح. بەكيشيەۆ، ن. بەكشين جانە ي. اندريەنكو سوتتالدى.

لاۋازىمدى تۇلعالار كەدەندىك باقىلاۋ سالاسىنداعى جول بەرىلگەن بۇزۋشىلىقتار بويىنشا اكىمشىلىك جاۋاپتىلىققا تارتپاعانى ءۇشىن كاسىپكەرلەردەن بىرنەشە رەت پارا العانى ءۇشىن كىنالى دەپ تانىلدى.

اقبييەۆ پەن مۇقاشيەۆكە تيىسىنشە 21،7 ملن تەڭگە جانە 2،5 ملن تەڭگە كولەمىندە ايىپپۇل تۇرىندە جازا تاعايىندالدى.

وسى ۇكىممەن پارا بەرۋشىلەر ا. بالاسكايا، ح. بەكيشيەۆ، ن. بەكشين جانە ي. اندريەنكو 540 مىڭنان 3 ملن تەڭگەگە دەيىنگى ايىپپۇلدارعا سوتتالدى.

سونىمەن قاتار، سوتتالعاندارعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىنادى.

سوت اكتىسى زاڭدى كۇشىنە ەندى.