Búgingi tańda júzden asa ormanshy Kirzavod aýdanyndaǵy órtengen ormanǵa 90 myń qaraǵai kóshetterin otyrǵyzady.
Ormandy jappai qalpyna keltirý «Taza Qazaqstan» aiasynda júrgiziledi. Kóshet otyrǵyzý Qaraǵandy qalasynyń 90 jyldyǵyna josparlanǵan.
Sonymen qatar, qoǵam belsendiler men qala ómirine bei-jai qaramaityn azamattar gúlzarlarǵa, saiabaqtar men úilerdiń aýlalaryna kóshet otyrǵyzýda.
Qaraǵandyda belsendiler Maiqudyq saiabaǵynda "Jastar Alleiasy" atty jańa alleia ashty. Munda 500 kóshet otyrǵyzyldy.
Aktsiiaǵa qalalyq máslihattyń hatshysy Altyntóre Bókenov qatysyp, turǵyndardy qalalyq aýmaqtardy kógaldandyrý men tazalaýda belsendi bolýǵa shaqyrdy. Aǵash egý – bul tek ekologiiaǵa qamqorlyq jasaý ǵana emes, sonymen qatar qorshaǵan ortamyzdy qorǵaý múmkindigi, óz esimińizdi esielik retinde qaldyrý, dep atap ótti ol.
Ótemdik aǵash egý aiasynda Qaraǵandyda barlyǵy 3 myń kóshet egiledi.
Ekologiialyq aktsiiaǵa "Otrajenie" qoǵamdyq eko qozǵalysynyń ókilderi, qoǵam belsendileri men qala turǵyndar qatysty.
– Búgin jastarmen birge Temirtaý ekologiiasyn jaqsartýǵa óz úlesimizdi qostyq. Qalany kógaldandyrýmen tórtinshi jyl qatarynan ainalysyp kelemiz. Biz aǵashtarǵa kútim jasaý jaýapkershiligin óz moinyna alatyn turǵyndarǵa kóshet taratamyz. Úsh jyldyń qorytyndysyna sai, jelekterdiń jersiný deńgeii 90% quraǵanyn kórip otyrmyz. Demek, bizdiń turǵyndar aǵashtardy kútýge jaýapkershilikpen qaraidy, – deidi eko-belsendilerdiń jetekshisi Elena Varganova.
Barlyǵy Temirtaýda 5 myńnan astam aǵash egý josparlanýda, búgin 670 aǵash egildi.
Terekter Abai dańǵylynda da egildi. Qala kóshelerine 150 kóshet egildi. Eko sharaǵa turǵyndar belsendi qatysty.
Qarqaralyda 200 qaraǵan, terek jáne qaraǵash kóshetteri egildi.
Qaraǵandy oblysynda "Taza Qazaqstan" aýqymdy ekologiialyq aktsiiasy jalǵasýda. Jalpy el bolyp júrgizilip jatqan tazalyq sharasy 13 mamyrǵa deiin jalǵasady. Ár apta belgili bir ataýmen ótedi. Osy jetikúndik "Jasyl aimaq" dep atalady jáne aǵash egýge, eldi mekenderdi kógaldandyrýǵa arnalǵan.
Oblystyń qalalary men aýdandarynda jasyl jelekterli egý jalǵasatyn bolady.
