Qaraǵandy oblysynyń politseileri trassalarda myńdaǵan adamdy qutqardy, dep habarlaidy Dalanews.kz.
Qalyń qar, ekpindi jel jáne kóriný qashyqtyǵynyń múlde tómendeýi trassalarda júrýdi asa qaýipti etti. Soǵan qaramastan, kúrdeli aýa raiy jaǵdaiynda da joldardaǵy jumys bir minýtqa da toqtaǵan joq.
11 naýryzda batalon komandiri Medet Nurmuhanovtyń basqarýymen Qaraǵandydan Astanaǵa - 600, al elordadan oblys ortalyǵyna - 3000-nan astam kólik kolonnamen qaýipsiz jetkizildi.
Politseiler tek ilespe júrip qana qoimai, qar qursaýynda qalǵan kólikterdi shyǵaryp, tehnikalyq aqaýlardy jóndeýge de kómektesti. Qaýipsizdik úshin qozǵalys jyldamdyǵy 30 km/saǵ deńgeiinde saqtaldy.
Nazar aýdaryńyz: Qazirgi ýaqytta Qaraǵandy – Astana joly áli de jabyq.
