Qaraǵandy oblysynda esirtki qylmysyna qarsy kúres kúsheitildi, dep habarlaidy Dalanews.kz.
Jyl basynan beri zańsyz ainalymnan 1 tonnadan asa esirtki tárkilenip, jeti esirtki zerthanasy joiylǵan.
"Búginde basty qaýip – sintetikalyq esirtkiler. Degenmen politsiianyń júieli ári nátijeli jumystarynyń arqasynda olardyń tárkilený kólemi 590 kelige deiin artty. Tárkilengen zattardyń basym bóligi - mefedron men alfa-PVP sekildi sintetikalyq esirtkiler. Aqshalai balamada zańsyz ainalymǵa túspegen esirtkilerdiń jalpy quny - 14 mlrd 750 mln teńge", - dedi Qaraǵandy oblysy Politsiia departamenti bastyǵynyń birinshi orynbasary Ábil Ábildin.
Politseilerdiń jedel izdestirý is-sharalary barysynda esirtki saýdasyna qatysy bar 45 adam ustalǵan, olardyń ishinde 32-si - taratýshylar, 13-i - uiymdastyrýshylar. Tergeý kezinde óńiraralyq bailanysy bar uiymdasqan qylmystyq toptardyń qyzmeti áshkerelenip, olardyń 560 mln teńgeden asa zańsyz tabysty zańdastyrǵany anyqtaldy.
