Qaraǵandy oblysynyń turǵyndary «Taza Qazaqstan» respýblikalyq ekologiialyq aktsiiasyn barynsha qoldady. Barlyq qalalar men aýdandarda tek senbilikter, «taza beisenbi» ǵana emes, sonymen qatar ekologiialyq mádenietti qalyptastyrýǵa, týǵan jerine uqypty qaraýǵa baǵyttalǵan túrli is-sharalar ótýde.
Buqar Jyraý aýdanynyń Botaqara kentinde jastardyń qatysýymen ekologiialyq kvest ótti. Sharanyń maqsaty – qorshaǵan ortanyń lastaný problemasyna nazar aýdarý, ekoeriktilikti damytý.
Ortalyq saiabaqty tazalaýǵa Doskei jáne Petrovka eldi mekenderiniń jastary da keldi. Kvest qatysýshylaryna jarystar uiymdastyrylyp, oiyn túrinde olar turmystyq qaldyqtardy durys suryptaýdy úirendi. Eń belsendileri syilyqtarmen marapattaldy.
- Sáýir aiynyń basynda Memleket basshysy bastamashylyq etken «Taza Qazaqstan» aktsiiasyn qazaqstandyqtar keńinen qoldady. Bul óte qajet jáne mańyzdy, birinshi kezekte óz jerimizge, óz úiimizge uqypty qaraýǵa baǵyttalǵan, - deidi jastar kóshbasshysy Janbolat Jańbyrbaev. - Kvestke qatysýshylar oiyn arqyly ekologiiaǵa degen qamqorlyq pen tazalyqty, tabiǵatty zertteýge, qorǵaýǵa degen umtylysty saqtaý jáne nasihattaý qajettiligin qalyptastyrady. Qorshaǵan ortaǵa uqypty qaraý árqaisymyzdyń júregimizde bolýy kerek jáne bizdiń basty mindetimiz - ony jas urpaqqa jetkizý.
Buqar Jyraý aýdanynda «Taza Qazaqstan» aktsiiasyna 230 ujym – bes myńǵa jýyq adam qatysty. 130 arnaiy tehnika jumyldyryldy. 10,5 myń tonna qaldyq shyǵaryldy, 44 ruqsat etilmegen poligon joiyldy. «Móldir bulaq» aptalyǵynda 30-dan astam bulaq tazartyldy.
Óskeleń urpaqtyń tabiǵatqa qamqorlyq tanytyp, jaýapkershiligin oiatý maqsatynda muǵalimder oqýshylarmen jáne ata-analarmen arnaiy qus uiasyn jasady.
Sondai-aq, eldi mekenderdi kógaldandyrý baǵytynda da jumystar jalǵasýda.
Buqar Jyraý aýdanynda osy kóktemde 5 300-den astam aǵash egildi. Mysaly, Qaraqudyq aýylynda jergilikti kásipkerler týǵan ólkesiniń tabiǵatyn jaqsartý úshin aktsiia aiasynda piramidaly jáne kúmis terek, qyzyl sheten aǵashtarynyń 400 kóshetin ekti. Bul áleýmettik jaýapkershilik pen patriotizmniń úlgisi.
Ekologiialyq aktsiialar áli de jalǵasady, olardyń aýmaǵy da keńeiedi. Oblystyń ár buryshy qamtylýy tiis. Mindet – qalalar men aýyldardy birlesip taza ári jaily etý.
