Qaraǵandy oblysynda bir ai boiy áskeri oqý-jattyǵý ótkiziledi. Onyń barysynda óńirde áskeri tehnikalar ary-beri júretin bolady. Oblystyq ákimdik osyndai málimdeme jasady, dep habarlaidy Dalanews.kz.
Qaraǵandy oblysy ákimdiginiń saitynda 15 tamyz ben 15 qyrkúiek aralyǵynda Qaraǵandy oblysynyń aýmaǵynda aldyn ala josparlanǵan jaýyngerlik daiyndyq is-sharalary aiasynda oqý-jattyǵý ótkiziletini aitylǵan.
Oqý-jattyǵý barysynda bólimsheler poligondarǵa aralas tásilmen – temirjol, áýe jáne avtokólikpen marsh jasaidy. Áskeri tehnikanyń júrý baǵyttary týraly aqparat múmkindiginshe aldyn ala habarlanatyn bolady.
"Atalǵan is-sharalardy ótkizý memlekettik jáne jeke menshik qurylymdardyń jumysyna, sondai-aq azamattardyń kúndelikti ómirine keri áserin tigizbeidi", delingen habarlamada.
Oblys ákimdigi áleýmettik jeli qoldanýshylaryn tekserilmegen habarlamalar men beinematerialdardy taratpaýǵa, tek resmi aqparat kózderine senýge shaqyrady.
