قاراعاندى وبلىسىندا بٸر اي بويى ەسكەري وقۋ-جاتتىعۋ ٶتكٸزٸلەدٸ. ونىڭ بارىسىندا ٶڭٸردە ەسكەري تەحنيكالار ارى-بەرٸ جٷرەتٸن بولادى. وبلىستىق ەكٸمدٸك وسىنداي مەلٸمدەمە جاسادى, دەپ حابارلايدى Dalanews.kz.
قاراعاندى وبلىسى ەكٸمدٸگٸنٸڭ سايتىندا 15 تامىز بەن 15 قىركٷيەك ارالىعىندا قاراعاندى وبلىسىنىڭ اۋماعىندا الدىن الا جوسپارلانعان جاۋىنگەرلٸك دايىندىق ٸس-شارالارى اياسىندا وقۋ-جاتتىعۋ ٶتكٸزٸلەتٸنٸ ايتىلعان.
وقۋ-جاتتىعۋ بارىسىندا بٶلٸمشەلەر پوليگوندارعا ارالاس تەسٸلمەن – تەمٸرجول, ەۋە جەنە اۆتوكٶلٸكپەن مارش جاسايدى. ەسكەري تەحنيكانىڭ جٷرۋ باعىتتارى تۋرالى اقپارات مٷمكٸندٸگٸنشە الدىن الا حابارلاناتىن بولادى.
"اتالعان ٸس-شارالاردى ٶتكٸزۋ مەملەكەتتٸك جەنە جەكە مەنشٸك قۇرىلىمداردىڭ جۇمىسىنا, سونداي-اق ازاماتتاردىڭ كٷندەلٸكتٸ ٶمٸرٸنە كەرٸ ەسەرٸن تيگٸزبەيدٸ", دەلٸنگەن حابارلامادا.
وبلىس ەكٸمدٸگٸ ەلەۋمەتتٸك جەلٸ قولدانۋشىلارىن تەكسەرٸلمەگەن حابارلامالار مەن بەينەماتەريالداردى تاراتپاۋعا, تەك رەسمي اقپارات كٶزدەرٸنە سەنۋگە شاقىرادى.
