Qaraǵandy oblysynda Jeńis kúni qarsańynda ardagerlerge birjolǵy materialdyq kómek kórsetiledi, dep habarlaidy Dalanews.kz.
Qazir óńirde 6 soǵys ardageri turady. Olardyń beseýi Qaraǵandy qalasynda, bireýi Osakarovka kentinde turady. Ár ardagerge 5 mln teńgeden beriledi.
Óńirdegi tyl eńbekkerleriniń sany – 2029 adam. Olardyń árqaisysyna 100 myń teńgeden tólenedi.
Sondai-aq kontslager tutqyndary men qorshaýdaǵy Leningrad turǵyndaryna 200 myń teńgeden qarastyrylǵan. Bul sanatta 33 adam bar.
Al qaza tapqan jaýyngerlerdiń jesirleri men jubailaryna 50 myń teńgeden tólenedi. Bul kómekti 89 adam alady.
Materialdyq kómek sáýir-mamyr ailarynda aýdarylady. Budan bólek, ardagerlerge shipajai-kýrorttyq em qabyldaýǵa da qoldaý kórsetiledi.
