Qaraǵandy oblysy Nura aýdanynyń prokýratýrasy júrgizgen tekserý barysynda 46 271 gektar paidalanylmai jatqan aýyl sharýashylyǵy ýchaskesin anyqtady, dep habarlaidy Dalanews.kz.
Jerdiń kadastrlyq quny 258 million teńgeden astam soma. Jer ýchaskesi uzaq ýaqyt boiy óz maqsaty boiynsha paidalanylmai kelgeni anyqtaldy.
Qabyldanǵan sharalardyń nátijesinde atalǵan jer ýchaskesi memleket menshigine qaitaryldy.
Endi bul jer ony aýyl sharýashylyǵyn damytýǵa tiimdi paidalana alatyn jaýapty azamattarǵa beriledi.
Mundai ýchaskeler óńirge jáne turǵyndarǵa paidasyn tigizýi úshin paidalanylmai jatqan jerlerdi anyqtaý jáne qaitarý jumystary jalǵasady.
Aita keteiik, 10 aqpanda Almaty oblysynda paidalanylmai jatqan 9 gektar jer memleketke qaitarylǵany belgili boldy.
2024 jyly memleket menshigine 89,7 myń ga 357 jer ýchaskesi qaitaryldy. Osylaisha, jospar 128% oryndalǵan. Bul jumys jer resýrstaryn tiimdi paidalanýǵa baǵyttalǵan jáne aǵymdaǵy jyldyń sońyna deiin jalǵasady.
