Qaraǵandy oblysyndaǵy tas jolda 19 kólik jol apatyna tústi, dep habarlaıdy Dalanews.kz.
23 qańtarda saǵat 10:30-dan bastap Ekaterınbýrg–Almaty avtojolynyń qaıta jańartý ýchaskesinde (Qaraǵandy–Balqash, 1492–1855 km) Balqashtan Qaraǵandyǵa qaraı qozǵalys ashylǵan.
Sebebi aýa raıy jaqsaryp, jolda kólikter jınalyp qalǵan. Qozǵalys Qaraǵandy oblysy polısıasy men QazAvtoJol qyzmetkerleriniń alyp júrýimen uıymdastyryldy.
Saǵat 12:30-da osy ýchaskeniń 1630-shy shaqyrymynda 19 jeńil avtokólik jappaı jol apatyna túsken. Oqıǵa ornynda TJM qyzmetkerleri men jedel járdem qyzmeti jumys istep jatyr.
Jol apatynyń aldyn ala sebebi – jyldamdyq rejımin jáne qaýipsiz qashyqtyqty saqtamaý.
