Nur-Sultan qalasynda, Aqmola, Qaraǵandy, Pavlodar oblystarynda respýblikalyq mańyzy bar avtojoldar jabyldy.
Elimizde qar qursaýynda qalǵan 37 adam, onyń ishinde 2 bala qutqaryldy.
10 avtokólik qar qursaýynan shyǵaryldy.
Máselen, 13 aqpanda saǵat 8.22-de Qostanai oblysynyń Arqalyq qalasynan 20 shaqyrym jerde «Arqalyq-Amangeldi» avtojolynda qutqarýshylar qar qursaýynda qalǵan 3 jeńil avtokólikten 17 adamdy, onyń ishinde 2 balany qutqardy. Jolaýshylar Arqalyq qalasyna jetkizildi. Olardyń jaǵdailary jaqsy, meditsinalyq kómek qajet bolmady. Avariialyq-qutqarý operatsiiasyna Qostanai oblysy TJD 3 qutqarýshysy men 1 birlik tehnikasy jumyldyryldy.
Saǵat 8.38-de Qaraǵandy oblysynyń Aqtoǵai aýdanynda «Aqtoǵai-Balqash» avtojolynda Aqtoǵai aýylynan 30 shaqyrym jerde qutqarýshylar joldan shyǵyp ketken 2 jeńil avtokólikti joldyń tazartylǵan ýchaskesine shyǵardy. Avtokólik salonynda 4 jolaýshy bolǵan. Olar meditsinalyq kómekke muqtaj bolmady. Qaraǵandy oblysy TJD 5 qutqarýshysy men 2 birlik tehnikasy jumyldyryldy.
Saǵat 14.28-de Nur-Sultan qalasy Baiqońyr aýdany Alash tasjolynda avtokólik qar qursaýynda qaldy. Tez arada oqiǵa ornyna Trekol kóligimen barǵan qutqarýshylar kólik iesin qutqardy. Avariialyq-qutqarý jumystaryna Nur-Sultan qalasy TJD 2 qutqarýshysy men 1 birlik tehnikasy jumyldyryldy.
Keshke saǵat 19.00-de Arqalyq qalasynda «Arqalyq-Torǵai» avtojolynda qutqarýshylar qar qursaýynda qalǵan 4 jeńil kólikten 15 adamdy qutqardy. Qutqarylǵandar Arqalyq qalasyna jetkizildi. Olardyń jaǵdailary jaqsy, meditsinalyq kómek qajet bolmady. Avariialyq-qutqarý operatsiiasyna Qostanai oblysy TJD 3 qutqarýshysy men 1 birlik tehnikasy jumyldyryldy.
TJM azamattarǵa eldi mekennen shyqqan kezde qaýipsizdik erejelerin saqtaýǵa keńes beredi. Alys jolǵa shyǵar aldynda aýa raiy boljamymen tanysyp, avtokóliktiń tehnikalyq jai-kúiiniń durystyǵyna kóz jetkizgen abzal. Ózińizben birge qysyltaiań jaǵdailarda kómektesetin barlyq qajetti zattardy alyp júrińiz. «Dármen» mobildi qosymshasy joldardyń jabylýy jáne daýyldy eskertý týraly habardar bolýǵa múmkindik beredi. Qutqarý qyzmetiniń biryńǵai telefony 112.
