نۇر-سۇلتان قالاسىندا, اقمولا, قاراعاندى, پاۆلودار وبلىستارىندا رەسپۋبليكالىق ماڭىزى بار اۆتوجولدار جابىلدى.
ەلٸمٸزدە قار قۇرساۋىندا قالعان 37 ادام, ونىڭ ٸشٸندە 2 بالا قۇتقارىلدى.
10 اۆتوكٶلٸك قار قۇرساۋىنان شىعارىلدى.
مەسەلەن, 13 اقپاندا ساعات 8.22-دە قوستاناي وبلىسىنىڭ ارقالىق قالاسىنان 20 شاقىرىم جەردە «ارقالىق-امانگەلدٸ» اۆتوجولىندا قۇتقارۋشىلار قار قۇرساۋىندا قالعان 3 جەڭٸل اۆتوكٶلٸكتەن 17 ادامدى, ونىڭ ٸشٸندە 2 بالانى قۇتقاردى. جولاۋشىلار ارقالىق قالاسىنا جەتكٸزٸلدٸ. ولاردىڭ جاعدايلارى جاقسى, مەديتسينالىق كٶمەك قاجەت بولمادى. اۆارييالىق-قۇتقارۋ وپەراتسيياسىنا قوستاناي وبلىسى تجد 3 قۇتقارۋشىسى مەن 1 بٸرلٸك تەحنيكاسى جۇمىلدىرىلدى.
ساعات 8.38-دە قاراعاندى وبلىسىنىڭ اقتوعاي اۋدانىندا «اقتوعاي-بالقاش» اۆتوجولىندا اقتوعاي اۋىلىنان 30 شاقىرىم جەردە قۇتقارۋشىلار جولدان شىعىپ كەتكەن 2 جەڭٸل اۆتوكٶلٸكتٸ جولدىڭ تازارتىلعان ۋچاسكەسٸنە شىعاردى. اۆتوكٶلٸك سالونىندا 4 جولاۋشى بولعان. ولار مەديتسينالىق كٶمەككە مۇقتاج بولمادى. قاراعاندى وبلىسى تجد 5 قۇتقارۋشىسى مەن 2 بٸرلٸك تەحنيكاسى جۇمىلدىرىلدى.
ساعات 14.28-دە نۇر-سۇلتان قالاسى بايقوڭىر اۋدانى الاش تاسجولىندا اۆتوكٶلٸك قار قۇرساۋىندا قالدى. تەز ارادا وقيعا ورنىنا ترەكول كٶلٸگٸمەن بارعان قۇتقارۋشىلار كٶلٸك يەسٸن قۇتقاردى. اۆارييالىق-قۇتقارۋ جۇمىستارىنا نۇر-سۇلتان قالاسى تجد 2 قۇتقارۋشىسى مەن 1 بٸرلٸك تەحنيكاسى جۇمىلدىرىلدى.
كەشكە ساعات 19.00-دە ارقالىق قالاسىندا «ارقالىق-تورعاي» اۆتوجولىندا قۇتقارۋشىلار قار قۇرساۋىندا قالعان 4 جەڭٸل كٶلٸكتەن 15 ادامدى قۇتقاردى. قۇتقارىلعاندار ارقالىق قالاسىنا جەتكٸزٸلدٸ. ولاردىڭ جاعدايلارى جاقسى, مەديتسينالىق كٶمەك قاجەت بولمادى. اۆارييالىق-قۇتقارۋ وپەراتسيياسىنا قوستاناي وبلىسى تجد 3 قۇتقارۋشىسى مەن 1 بٸرلٸك تەحنيكاسى جۇمىلدىرىلدى.
تجم ازاماتتارعا ەلدٸ مەكەننەن شىققان كەزدە قاۋٸپسٸزدٸك ەرەجەلەرٸن ساقتاۋعا كەڭەس بەرەدٸ. الىس جولعا شىعار الدىندا اۋا رايى بولجامىمەن تانىسىپ, اۆتوكٶلٸكتٸڭ تەحنيكالىق جاي-كٷيٸنٸڭ دۇرىستىعىنا كٶز جەتكٸزگەن ابزال. ٶزٸڭٸزبەن بٸرگە قىسىلتاياڭ جاعدايلاردا كٶمەكتەسەتٸن بارلىق قاجەتتٸ زاتتاردى الىپ جٷرٸڭٸز. «دەرمەن» موبيلدٸ قوسىمشاسى جولداردىڭ جابىلۋى جەنە داۋىلدى ەسكەرتۋ تۋرالى حاباردار بولۋعا مٷمكٸندٸك بەرەدٸ. قۇتقارۋ قىزمەتٸنٸڭ بٸرىڭعاي تەلەفونى 112.
